नेपाल कम्युनिष्ट पार्टी एकीकृत समाजवादी तामाकोशी गाउँपालिका कमिटी अध्यक्षमा झनक बहादुर खड्का चयन

दिपक बस्नेत
फागुन ७, तामाकोशी
नेपाल कम्युनिष्ट पार्टी एकीकृत समाजवादी तामाकोशी गाउँपालिका कमिटी अध्यक्षमा झनक बहादुर खड्का चयन हुनुभएको छ ।
नेकपा एकीकृत समाजवादी तामाकोशी गाउँपालिकाको प्रथम अधिवेसनबाट खड्काको अध्यक्षतामा ५५ जनाको कमिटि गठन गरेको हो । कमिटिको उपाध्यक्षमा भिम प्रसाद शर्मा र आङछिरि शेर्पा, सचिव रमेश कार्की, उपसचिव राजकुमार के.सी. र राम बहादुर खड्का रहनु भएको छ ।
नेकपा एकीकृत समाजवादीले रमेश फूयालको अध्यक्षतामा युवासंघ गठन गरेको छ । नेकपा एकीकृत समाजवादीका पोलिटव्युरो सदस्य तथा संसद मेटमणी चौधरीको प्रमुख आतिथ्यतामा भएकोे कार्यक्रममा पोलिटव्युरो सदस्य शिव प्रसाद भण्डारी, सदस्य चुनु के.सी., दोलखा जिल्ला कमिटि सचिव प्रोण प्रताव के.सी., युवा संघका केन्द्रिय सदस्य झपड सुनुवार, दलित मुक्ति संगठनका सचिव नन्दराज घताने, अनेम संघ दोलखाका अध्यक्ष तारा तामाङ, दलित मुक्ति संगठन दोलखा अध्यक्ष कुल बहादुर विश्वकर्मा लगाएतले मन्तव्य व्यक्त गर्नु भएको थियो ।
नेकपा एकीकृत समाजवादी तामाकोशी गाउँपालिका वडा नम्बर ४ मालुका अध्यक्ष यज्ञ बहादुर श्रेष्ठको अध्यक्षतामा भएको कार्यक्रममा पालिका भित्रका नेता तथा कार्यकर्ताको उपस्थिति रहेको थियो । कार्यक्रम संचालन नेकपा समाजवादीका राजकुमार के.सीले संचालन गर्नुभएको थियो ।