काठमाडौं जिल्ला अदालतले छविलाल जोशीसँग माग्यो ५० लाख धरौटी -JCNEPAL MEDIA

9 दिन पहिले

माघ ७,२०८१ / जेसी नेपाल मिडिया

काठमाडौं : गोरखा मिडिया नेटवर्कका सञ्चालक एवं पूर्वडिआइजी छविलाल जोशीसँग काठमाडौं जिल्ला अदालतले ५० लाख धरौटी माँग गरेका छन ।

कालिमाटीको स्वर्णलक्ष्मी बहुउद्देश्यीय सहकारी संस्थालाई संगठित रुपमा ठगी गरेको अभियोग लागेका जोशीलाई न्यायाधीश ठाकुरप्रसाद खरेलको इजलासले ५० लाख धरौटी माग गरेको हो। स्वर्णलक्ष्मी सहकारी ठगीको आरोप लागेका गोरखा मिडिया नेटवर्कका अर्का सञ्चालक रवि लामिछाने भने ६० लाख धरौटीमा यसअघि नै रिहा भइसकेका छन्।

जोशीले स्वर्णलक्ष्मीबाट पाँच करोड ७८ लाख ठगी गरेको जिल्ला सरकारी वकिल कार्यालय काठमाडौँको अभियोग छ। जारी आदेशमा भनिएको छ, ‘अतः मुद्दाको प्रकृति, कसूरबाट पीडितलाई परेको असर र प्रभाव, यी प्रतिवादीलाई हुनसक्ने सम्भाव्य सजाय र बेहोर्नुपर्ने क्षतिपूर्ति, कसूरबाट सृजित परिणाम, यी प्रतिवादीको कसूरमा संलग्नता एवं भूमिका समेतलाई दृष्टिगत गर्दा प्रस्तुत मुद्दामा प्रमाण परीक्षण एवं थप प्रमाण बुझ्दै जाँदा ठहरे बमोजिम हुने गरी मुद्दा पूर्पक्षको प्रयोजनार्थ हाल यी प्रतिवादी छविलाल जोशीलाई मुलुकी फौजदारी कार्यविधि सहिता, २०७४ को दफा ६८ र ७२ समेतका आधारमा रु५०,००,०००। (पचास लाख) नगद वा सो बराबरको जेथा जमानत या बैंक ग्यारेन्टी दिए लिई मुद्दा पुर्पक्षका लागि तारेखमा राख्नू।

प्रकाशित : माघ ७,२०८१ ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

इसिमोडको आयोजनामा ५ दिने बुटक्याम्प सम्पन्न

चर्को आलोचनापछि दूधको मूल्य वृद्धि फिर्ता

किसानको हितमा गाउँघर सानाकिसान कृषि सहकारी संस्था, कृषकलाई कृषि समाग्री वितरण

श्री महिला साक्षरता बचत तथा ऋण सहकारी संस्था लिमिटेड तामाकोशी गाउँपालिका वडा नम्बर ५ सहरे किर्ने दोलखाले संस्थागत विकासका लागि तीनदिने तालिम समापन

दोलखाको मेलुङ गाउँपालिकामा बाख्रालाई पिपिआर रोग विरुद्धको खोप लगाउँन सुरु

एमाले जिल्ला कमिटी सदस्य पशुपालन व्यवसायमा रमाउँदै