पोपको अन्त्येष्टिमा पुगेका ट्रम्प र जेलेन्स्कीले गरे भेटवार्ता

11 महीना पहिले

बैशाख १३,२०८१ / जेसी नेपाल संवाददाता

काठमाडौं : अमेरिकी राष्ट्रपति डोनाल्ड ट्रम्प र उनका युक्रेनी समकक्षी भोलोदिमिर जेलेन्स्कीबीच भेटवार्ता भएको छ ।

इटालीको राजधानी रोमस्थित भ्याटिकन सिटीमा दुई नेताबीच भेटवार्ता भएको हो । पोप फ्रान्सिसको अन्त्येष्टिमा सहभागी हुन पुगेका दुई नेताबीच भ्याटिकन सिटीको सेन्ट पिटर बसिलिकमा भेटवार्ता भएको ह्वाइट हाउसले जनाएको छ । उनीहरुले १५ मिनेट वार्ता गरेका थिए । ह्वाइट हाउसले जेलेन्स्की र ट्रम्पबीचको भेटवार्ता ‘निकै रचनात्मक भएको जनाएको छ ।

त्यसैगरी, जेलेन्स्कीले पनि भेटवार्तालाई ‘धेरै प्रतीकात्मक’ र ‘ऐतिहासिक हुने सम्भावना बोकेको’ बताएका छन् । यसअघि ट्रम्प र जेलेन्स्की सेन्ट पिटर बसिलिकामा एक्लै कुर्सीमा बसेको तस्बिर सामाजिक सञ्जालमा भाइरल भएको थियो । यसअघि शुक्रबारमात्रै ट्रम्पले रुस र युक्रेनबीचको सम्झौता ‘धेरै नजिक’ रहेको बताएका थिए ।

हाल युक्रेन र रुसबीच युद्ध चलिरहेको छ । ट्रम्प र जेलेन्स्कीबीच भेटवार्ता हुनुअघि शुक्रबार अमेरिकाका प्रतिनिधि स्टिभ विट्कोफ र रुसी राष्ट्रपति भ्लादिमिर पुटिनबीच मस्कोमा भेटवार्ता भएको थियो ।

यसअघि ट्रम्प र जेलेन्स्कीबीच गत फेब्रुअरीको अन्त्यमा ह्वाइट हाउसमा भेटवार्ता भएको थियो । उक्त भेटवार्ता नाटकीय रुपमा हो–हल्ला र वादविवादमा परिणत भएको थियो ।

प्रकाशित : बैशाख १३,२०८१            ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

धनुषा१ काे निर्वाचन घटनामा रास्वपा उम्मेदवार किशोरी साह(कमल)को रिटमा सुनुवाइ सकियो : JCNEPAL MEDIA

बालेनलाई प्रधानमन्त्री बनाउन रास्वपाको विधान भए बाधक : JCNEPAL MEDIA

रास्वपाकाे मतपरिणामलाई शुभकामना दिदै भने ,आम जनताको शान्त विद्रोह : बाबुराम भट्टराई JCNEPAL MEDIA

भिंडको भ्रम होइन, लोकतन्त्रको आवाज : JCNEPALMEDIA

दाङ क्षेत्र नम्बर–२ मा स्वतन्त्र उम्मेदवारी दिएका समीर ओलीले रास्वपाका विपिनकुमार आचार्यलाई दिए समर्थन : JCNEPALMEDIA

बंगलादेशमा विद्यार्थी आन्दोलनलाई जनताले विश्वास गरेन ,पुरानै दललाई बहुमत : JCNEPALMEDIA