सांसद रायमाझीविरुद्ध पर्सा जिल्ला अदालतबाट पक्राउ पुर्जी जारी : JCNEPAL MEDIA

8 दिन पहिले

असार ९,२०८२ / जेसी नेपाल संवाददाता

जनकपुरधाम : जनमत पार्टीकी लुम्बिनी प्रदेशसभा सदस्य सुमन शर्मा रायमाझीविरुद्ध पर्सा जिल्ला अदालतले पक्राउ पुर्जी जारी गरेको छ । बर्दिया जिल्लाको गुलरिया नगरपालिका–५ निवासी रायमाझीमाथि बैंकिङ कसुर अन्तर्गत मुद्दा दायर भएपछि अदालतले १६ जेठमा पक्राउ पुर्जी जारी गरेको थियो ।

पर्सा अदालतको आदेशअनुसार जिल्ला प्रहरी कार्यालय पर्साले बर्दिया प्रहरीलाई रायमाझीलाई पक्राउ गरी अदालतमा उपस्थित गराउन पत्राचार गरेको थियो । तर, अहिलेसम्म बर्दिया प्रहरीले उनलाई पक्राउ गरेको छैन । सांसद रायमाझीमाथि जनमत पार्टीकै नेतृ आशा कुमारी चौहानले पर्सा प्रहरीमा बैंकिङ कसुर सम्बन्धी जाहेरी दिएकी थिइन् । चौहानका अनुसार रायमाझीले आफूसँग २ लाख ७५ हजार रुपैयाँ सापटी लिएर नफर्काएपछि सो रकमको चेक दिएकी थिइन् । तर, उक्त चेक बैंकमा साट्न जाँदा रकम नपुगेर बाउन्स भएको थियो ।

रायमाझीले एभरेष्ट बैंक लिमिटेडको चेकमार्फत रकम तिर्न खोजेकी थिइन् तर खातामा पर्याप्त रकम नभएकाले चेक बाउन्स भएको छ । राजनीतिक पृष्ठभूमि हेर्दा, सुमन शर्मा रायमाझी यसअघि जनता समाजवादी पार्टी (जसपा) बाट प्रदेश सांसद बनेकी थिइन् ।

उनी एमाले नेतृत्वको सरकारमा तत्कालीन मुख्यमन्त्री शंकर पोखरेलको पालामा भौतिक पूर्वाधार विकास राज्य मन्त्रीको जिम्मेवारीमा थिइन्। त्यसपछि लुम्बिनी प्रदेश सरकार अन्तर्गत माओवादी केन्द्रका मुख्यमन्त्री कुलप्रसाद केसीको मन्त्रिपरिषद्मा कृषि मन्त्रीसमेत बनेकी थिइन् । पक्राउ पुर्जी जारी भएपनि हालसम्म सांसद रायमाझी स्वतन्त्र रुपमा हिँडडुल गरिरहेकी छन् ।

प्रकाशित : असार ९,२०८२                      ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

प्रकाशमान-कान्छाराम द्वन्द्व : नियमविपरीत ठेक्काकाे म्याद नथपिएपछि संसद्‍मा आक्राेश JCNEPAL MEDIA

धनुषामा जन्तीबाट फर्किने क्रममा मोटरसाइकल दुर्घटना हुदा एकको मृत्यु, दुई घाइते : JCNEPAL MEDIA

श्रीमतीको हत्या अभियोगमा पक्राउ : पर्सा JCNEPAL MEDIA

हँसपुर नगरपालिकाका मेयर यादवले भ्रष्टाचार गर्न उपमेयरलाई वाईपास गरी नगरसभा गर्न खाेज्दा ,कार्यपालिका सदस्यहरू द्वारा खुला विद्रोह : JCNEPAL MEDIA

गृहमन्त्री लेखकले राजीनामा दिनु नपर्ने, छानबिन समिति पनि नबन्ने , तीन दलको सहमति : JCNEPAL MEDIA

अध्यागमनमा दरबन्दीभन्दा बढी कर्मचारी, तत्काल व्यवस्थापन नगरे सुशासनको कारबाही : प्रधानमन्त्री JCNEPAL MEDIA