जनकपुरका वकिल र पत्रकार मिले, दुवै पक्षबीचको विवाद मिलापमा टुंगियो : JCNEPAL MEDIA

10 दिन पहिले

भदौ ०४,२०८१ / जेसी नेपाल संवाददाता

जनकपुरधाम : जनकपुरका वकिल र पत्रकार मिलेका छन । दुवै पक्षबीचको विवाद मिलापमा टुंगिएकाे छ । लामो समयदेखि जारी नेपाल बार एशोसिएसन जनकपुरधाम र नेपाल पत्रकार महासंघ, मधेश प्रदेशबीचको विवाद अन्ततः समझदारीमा टुंगिएको छ। सोमबार दुबै संस्थाबीच भएको सहमति पश्चात दुवै संस्थाले प्रेस विज्ञप्ति जारी गर्दै आपसी मनोमालिन्यलाई संवादमार्फत समाधान गर्ने बताएका छन्। सम्झौता अनुसार दुवै संस्थाले अतीतका घटनाबाट शिक्षा लिई आगामी दिनमा संस्थागत मर्यादा कायम राख्दै सहकार्य गर्ने प्रतिवद्धता व्यक्त गरेका छन्।

नेपाल बार एशोसिएसन जनकपुरधामका अध्यक्ष बिमल कुमार मिश्र र नेपाल पत्रकार महासंघ, मधेश प्रदेशका अध्यक्ष श्याम प्रसाद बन्जाराले हस्ताक्षर गरेको विज्ञप्तिमा विवाद समाधानका लागि गठन भएको उच्चस्तरीय वार्ता समितिको सक्रियता ऐतिहासिक भएको उल्लेख छ। विवाद समाधानसँगै दुबै संस्थाले लोकतन्त्र, सुशासन र पेशागत स्वतन्त्रताको सवालमा साझा एजेण्डा अघि बढाउने जनाएका छन्।

विज्ञप्तिमा भनिएको छ,संस्थागत मर्यादामाथि आँच आउने गरी अघि बढेका केही घटनाबाट दुबै पक्ष दुःखी भएका थिए, तर अब त्यस्ता अवस्था नदोहर्याउने प्रतिवद्धता जनाएका छन्। दुवै संस्थाले नागरिक हकहित, सामाजिक न्याय, प्रेस स्वतन्त्रता र कानूनी मर्यादा सुदृढीकरणका लागि एकआपसमा सहकार्य गर्दै अघि बढ्ने घोषणा गरेका छन्। साथै, कुनै पनि विवादलाई संवाद र मध्यस्थतामार्फत समाधान गर्नुपर्नेमा दुबै पक्ष एकमत भएका छन्।

यसअघि पत्रकार महासंघ र बार एशोसिएसनबीचको विवाद सार्वजनिक रूपमा चर्किएको थियो। तर उच्चस्तरीय वार्ता समितिको पहलमा गतिरोध अन्त्य भएको हो। विज्ञप्तिमा दुबै संस्थाका पदाधिकारीहरूले यसलाई ऐतिहासिक महत्वको उपलब्धि बताएका छन्।

प्रकाशित : भदौ ०४,२०८१                    ००:०० 

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

राराब कलेजमा सँयुक्त विद्यार्थी संगठनको आन्दोलन : जनकपुर JCNEPAL MEDIA

पत्रकार महासंघ मधेश प्रदेशले भवन बनाउन जनकपुरमा गुठ्ठीबाट ४ कठ्ठा जग्गा पाए : JCNEPAL MEDIA

आज मन्त्रिपरिषद् बैठकले गरेका १८ निर्णय : JCNEPAL MEDIA

बागमतीको मुख्यमन्त्रीमा बानियाँको नियुक्ति : JCNEPAL MEDIA

भारत–पाकिस्तान द्वन्द्वमा पाँच लडाकु विमान खसालिएको ट्रम्पको दाबी : JCNEPAL MEDIA

प्रतिनिधिसभामा सञ्चारमन्त्रीले साइबर सुरक्षा विधेयक लग्दै : JCNEPAL MEDIA