कार्यवाहक सभापति मात्र नामकै, गगण थापाको भनाइ ; सबै शक्ति देउवकै हातमा JCNEPAL MEDIA

6 महीना पहिले

पुस १०,२०८२/ जेसी नेपाल संवाददाता

काठमाडौं : नेपाली कांग्रेसका महामन्त्री गगनकुमार थापाले पार्टीका उपसभापति पूर्णबहादुर खड्कालाई दिइएको कार्यवाहक सभापतिको जिम्मेवारी औपचारिकतामा मात्रै सीमित रहेको बताएका छन्।

बुधबार बसेको कांग्रेस कार्यसम्पादन समितिको बैठकपछि सञ्चारकर्मीसँग कुरा गर्दै थापाले पार्टीको सबै निर्णायक शक्ति सभापति शेरबहादुर देउवाकै हातमा रहेको दाबी गरेका हुन्। थापाका अनुसार सभापति देउवाले खड्कालाई कार्यवाहक सभापतिको जिम्मेवारी दिए पनि व्यवहारमा निर्णय गर्ने अधिकार र प्रभाव देउवाकै नियन्त्रणमा छ। “सभापतिले कार्यवाहक दिनु भएको छ, तर नाम मात्रको।

आजको बैठकमा कार्यवाहक सभापति आउनु भएको छैन, तर पार्टीको सबै शक्ति उतै (देउवाकहाँ) नै छ,” थापाले भने। गत असोज २८ गते बसेको कांग्रेस केन्द्रीय समिति बैठकको उद्घाटन गर्दै सभापति देउवाले उपसभापति खड्कालाई कार्यवाहक सभापतिको जिम्मेवारी दिएका थिए। भदौ २४ गते जेनजी आन्दोलनका क्रममा देउवा दम्पतीमाथि आक्रमण भएपछि उनी उपचारका लागि विदेश गएका थिए। सोही अवधिमा पार्टीको नियमित काम सञ्चालनका लागि खड्कालाई कार्यवाहक सभापतिको जिम्मेवारी दिइएको थियो।

तर, विदेशबाट करिब एक महिनापछि फर्किएपछि पनि देउवा पार्टी राजनीतिमा पूर्ण रूपमा सक्रिय देखिएका छन्। उनी अहिले अन्य राजनीतिक दलका नेतृत्वसँग संवाद, सरकारसँग छलफल र राष्ट्रपतिसँग भेटघाटमा समेत संलग्न भइरहेका छन्। गगन थापाको यो अभिव्यक्तिले कांग्रेसभित्र नेतृत्व, अधिकार र भूमिकाबारे पुनः बहस चर्किएको छ। कार्यवाहक सभापतिको जिम्मेवारी पाए पनि व्यवहारमा खड्काको भूमिका कति प्रभावकारी छ भन्ने प्रश्न फेरि उठेको छ भने सभापति देउवाको पार्टीभित्रको शक्ति संरचना अझै बलियो रहेको संकेत यसले दिएको छ।

प्रकाशित : पुस १०,२०८२               ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

अदालतमा बयान फेरेको आरोपमा एक युवकविरुद्ध भ्रष्टाचार मुद्दा, ५० लाख बिगो दाबी : JCNEPALMEDIA

घुमुवा राजको छायाँमा पश्चिम नवलपरासी ; एसएसपी बढुवाको दौडमा रहेका एसपी केसीमाथि गम्भीर प्रश्न, सीमानाकामा तस्करी मौलाएको आरोप : JCNEPALMEDIA

वैदेशिक रोजगारीमा विभिन्न देश पठाइदिन्छु भन्दै ठगी गर्ने ४ जना पक्राउ JCNEPALMEDIA

मधेशमा मन्त्री फेरबदल गरी सरकार टिकाउने तयारी,स्वास्थ्यमन्त्री जंगीलाल हटाएर बीरेन्द्रलाई मन्त्री बनाउने दाउमा : JCNEPALMEDIA

दक्षिण भारतीय राज्य तमिलनाडुको राजनीतिमा ठूलो उथलपुथल : JCNEPALMEDIA

आजबाट संसद् अधिवेशन शुरू, तीन अध्यादेश पेस हुँदै : JCNEPAL MEDIA