राहुल गान्धीको ‘भारत जोडो यात्रा’को सभामा नेपालको राष्ट्रगान बज्यो

काठमाडौं । बुधबार महाराष्ट्रको वासिममा राहुल गान्धीको भारत जोडो यात्राको कार्यक्रममा भारतको राष्ट्रिय गानको बजाउनुपर्नेमा यसको सट्टा नेपालको राष्ट्रिय गान बजाइएको छ । यो घटनाको भिडियो भाइरल भएको छ ।घटनापछि भाजपा नेताहरूले यो गल्तीको लागि राहुल गान्धी र कांग्रेसलाई दोष दिएका छन् । महाराष्ट्र बीजेपी नेता नितेश राणेले पनि घटनाको भिडियो शेयर गर्दै राहुलको कमेडी सर्कस भएको ट्वीट गरेका छन्। तमिलनाडु बीजेपी नेता अमर प्रसाद रेड्डीले पनि त्यही भिडियो सेयर गर्दै लेखेका छन्, राहुल गान्धी, यो के हो ?वास्तवमा, राहुल गान्धी र केही कांग्रेस नेताहरू महाराष्ट्रको वासिममा भारत जोडो यात्राको क्रममा एक मंचमा जनतालालाई सम्बोधन गर्दै थिए। यसैबीच राहुल गान्धीले आफ्नो छेउमा उभिएका नेताहरूलाई राष्ट्रगान बजाउन भने तर गल्तीले नेपालको राष्ट्रगान बज्न थाल्यो ।

https://twitter.com/i/status/1592935017243869185

करिब पाँच सेकेन्डसम्म राहुल गान्धी सावधान मुद्रामा उभिए, तर गलत गीत बजिरहेको थाहा पाउने बित्तिकै उनले नेताहरूलाई रोकेर राष्ट्रगान बजाउन आग्रह गरे। तर, राहुलले भन्दा पनि केही नेताहरुले उनको कुरा बुझ्न सकेनन् ।भाजपा नेता नितिश राणेले ट्वीट गरे कि यो राहुलको कमेडी सर्कस हो । सोही क्रममा बीजेपी नेता अमर प्रसाद रेड्डीले पनि त्यही भिडियो शेयर गर्दै लेखेका छन्, ‘राहुल गान्धी, यो के हो ?’ सोही क्रममा सोसल मिडिया प्रयोगकर्ताहरुले राहुल गान्धीको खिल्ली उडाए ।एक प्रयोगकर्ताले लेखे कि यो नेपालको राष्ट्रिय गान हो ? अर्का प्रयोगकर्ताले राहुललाई गीत गलत हो भनेर बुझ्न ५ सेकेन्डभन्दा बढी समय लागेको लेखेका छन् । रामेश्वर सनातनी नामका एक प्रयोगकर्ताले गलत राष्ट्रगान गाएर अपमान गरेको आरोपमा यी व्यक्तिहरु विरुद्ध मुद्दा दर्ता हुनुपर्ने लेखेका छन् ।साभार : डिसी नेपाल