जाल्पादेवी साना किसान कृषि सहकारी संस्था मालूको सातौं बार्षिक साधारण सभा सम्पन्न, अध्यक्षमा ढालप्रसाद दाहाल चयन

दिपक बस्नेत
कात्तिक ८, तामाकोशी ।
जाल्पादेवी साना किसान कृषि सहकारी संस्थाले ढालप्रसाद दाहालको अध्यक्षतामा १३ सदस्यीय संचालक समिति सर्वसहमतिले चयन गरेको छ ।
चुनाव सहितको ७ औं बार्षिक साधारण सभाको अवसरमा तामाकोशी गाउँपालिकाका प्रवक्ता एवंम वडा नम्बर ४ का वडा अध्यक्ष होम बहादुर श्रेष्ठले नव निर्वाचित संचालक समितिलाई सपथ खुवानु भएको थियो ।
संचालक समितिको उपाध्यक्षमा इन्द्र कुमारी खड्का, सचिव जीवन श्रेष्ठ, कोषध्यक्ष पार्बती घिमिरे पोखरेल रहनु भएको छ । संचालक समितिको अन्य सदस्यमा डोल बहादुर बस्नेत, बाबुराम के.सी.,खड्ग विक्रम खड्का, कल्पना खड्का, शुभद्रा पोखरेल, गोमा श्रेष्ठ, गुणराज श्रेष्ठ, धिरज बहादुर खड्का र होम बहादुर श्रेष्ठ रहनु भएको छ ।
यस्तै सञ्जयकुमार खड्काको संयोजकत्वमा तीन सदस्यीय लेखा सुपरिवेक्षण समिति गठन गरेको छ । अन्य सदस्यमा यज्ञ बहादुर श्रेष्ठ र सरिता पोखरेल रहनु भएको छ । सहकारीले पुर्व अध्यक्ष निरबहादुर श्रेष्ठ सहित होम बहादुर श्रेष्ठ, नवराज पोखरेल, कुमुद राज योगी र सुसिला पोखरेल हरनु भएको सल्लाहाकार समिति पनि सर्वसहमतिले चयन गरेको छ ।
सातौं बार्षिक साधारण सभा साना किसान विकास लगु वित्त वित्तिय संस्थाका अध्यक्ष तथा नेपाल कृषि केन्द्रिय सहकारी संघका अध्यक्ष खेम बहादुर पाठकको प्रमख आतिथ्यतामा भएको थियो । कार्यक्रममा तामाकोशी गाउँपालिका वडा नम्वर ४ मालूका वडा अध्यक्ष होम बहादुर श्रेष्ठ, गोल्मेश्वर माध्यमिक विद्यालयका प्रधानाध्यपक सञ्जय कुमार खड्का, भिमेश्वर बहुउद्देश्यीय सहकारी संस्थाका अध्यक्ष श्यामकाजि कुटुवाल, गाउँघर साना किसान कृषि सहकारी संस्था मेलुङका अध्यक्ष श्रीराज पोखरेल, जफे साना किसान कृषि सहकारी संस्थाका अध्यक्ष योगराज पोखरेल, पार्टीका अध्यक्ष तथा प्रतिनिधि लगाएतले शुभकामना मन्तव्य राख्नु भएको थियो ।
कार्यक्रममा अध्यक्षको प्रतिवेदन, लेखा प्रवेदन लागाएत आगामी कार्ययोजना प्रस्तुत गरिएको थियो । कार्यक्रमलाई राष्ट्रिय हास्य कलाकार पुरुषेत्तम भण्डारीले थप रोचक बनाउँनु भएको थियो ।