महोत्तरीमा डाकाले चलाएको गोलीले श्रीमान-श्रीमती घाइते : JCNEPALMEDIA

5 महीना पहिले

जेष्ठ २०,२०८३ / जेसी नेपाल संवाददाता

महाेत्तरी : महोत्तरीको सोनमा गाउँपालिकाकाे एक घरमा डक‌ैती गर्न आएको समूहको प्रतिवाद गर्दा गोली लागेर एक दम्पती घाइते भएका छन्। मंगलबार राति सोनमा गाउँपालिका-३ खखना दक्षिणबारी टोलमा यो घटना भएको हो। ५/६ जनाको संख्यामा आएका लुटेराहरूको समूहले स्थानीय रामविश्वास यादवकाे घरमा प्रवेश गरी लुटपाट गर्ने प्रयास गरेका थिए।

घरभित्र छिरेका उनिहरूलाई देखेपछि रामविश्वासका ज्वाइ २७ वर्षीय इशवर यादव र उनकी २२ वर्षीया श्रीमती किरण यादवले, प्रतिवाद गरेका थिए। त्यही क्रममा लुटेरा समूहले उनीहरूमाथि गोली प्रहार गरेको प्रहरीले जनाएको छ। गोली लागेर घाइते भएका श्रीमान्-श्रीमती दुवैलाई तत्कालै उद्धार गरी प्रारम्भिक उपचार गरि थप उपचारका लागि जनकपुर पठाइएको महाेत्तरीका प्रहरी नायब उपरीक्षक पञ्चलाल गाेलेले जानकारी दिए।

घटनास्थलमा पुगेको प्रहरी टोलीले खानतलासी गर्दा एक थान गोलीको खोका बरामद गरेको छ। जिल्ला प्रहरी कार्यालय महाेत्तरीका अनुसार घटनामा संलग्न व्यक्तिहरूको पहिचान खुलेको छैन। फरार रहेका उनिहरूको खोजी कार्य तीव्र पारिएको र घटनाबारे थप अनुसन्धान भइरहेको प्रहरीले जानकारी दिएको छ।

प्रकाशित : जेष्ठ २०, २०८३           ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

पत्रकार नियन्त्रणमा लिएपछि मध्यराति प्रहरीको स्पष्टीकरण : सही मनसायले बोलाएका हौं : JCNEPALMEDIA

मधेस सरकारमा एमालेको समर्थन गुमाएपछि मुख्यमन्त्री यादवका लागि बहुमत जुटाउनु चुनौतीपूर्ण : JCNEPALMEDIA

निर्वाचनको एक साता अघि डेमोक्र्याटिक सांसद द्वारा डोनाल्ड ट्रम्पमाथि बलात्कारको आरोप : JCNEPALMEDIA

रथी बढुवाका लागि थापाको नाम सिफारिस, प्रधानसेनापति हुने रोलक्रममा अघि : JCNEPALMEDIA

अदालतको आदेश विपरीत बढुवा सिफारिस गर्ने प्रदेश लोक सेवा आयोग अध्यक्ष गुरागाईँले दिए पदबाट राजीनामा : JCNEPALMEDIA

मधेश प्रदेशमा १६८ (३) अनुसार जसपाको सरकार बन्न सक्ने, सरोज यादव मुख्यमन्त्री बन्दा एमाले र जनमतको समर्थन रहने : JCNEPALMEDIA