यू-१९ महिला क्रिकेट विश्वकप : पहिलो खेलमा नेपाल बाङ्लादेशसँग पराजित -JCNEPAL MEDIA

2 वर्ष पहिले

माघ ५,२०८१ / जेसी नेपाल मिडिया

काठमाडौं : नेपाली महिला क्रिकेट टोलीले कुनै पनि स्तरमा खेलेको पहिलो विश्वकप भएकाले यसलाई निकै चासोपूर्वक हेरिएको थियो। टस हारेर पहिलो ब्याटिङ पाएको नेपालले प्रभावकारी ब्याटिङ प्रदर्शन गर्न सकेन। नेपाल १८.२ ओभरमा ५२ रन बनाएर अलआउट हुन पुग्यो। बाङ्ग्लादेशले सहज लक्ष्य पछ्याउँदै पाँच विकेटको जित हात पार्‍यो। बाङ्ग्लादेशले १३.२ ओभर खेल्दै लक्ष्य पूरा गर्‍यो। बाङ्ग्लादेशको बलिङसामु सङ्घर्ष गरेका नेपाली खेलाडीहरू सुरुदेखि नै दबाबमा परेका थिए। नेपालका लागि प्रारम्भिक ब्याटर सना प्रविनले जोडेको १९ रन नै सर्वाधिक रन बन्यो। त्यस्तै सीमाना केसीले १० रन जोडिन्। अन्य ८ खेलाडीहरूले दोहोरो अङ्क सम्म पुग्न सकेनन्। कप्तान पूजा महतोसहित नेपालका पाँच खेलाडीहरू रन आउट भए।

* अबका खेल समूह 'डी' मा रहेको नेपालले अब अस्ट्रेलिया र स्कटल्यान्डसँग खेल्न बाँकी छ। स्कटल्याण्डसँग सोमवार र अस्ट्रेलियासँग बुधवार खेल हुँदैछ। नेपालले अबका दुई खेलमध्ये कुनै एकमा जित हासिल गरेमा सुपर सिक्समा पुग्न सक्ने सम्भावना बाँकी रहन सक्छ। यसै समूहमा अस्ट्रेलियाले स्कटल्याण्डलाई दश विकेटले पराजित गरेको छ।

* नेपालको बलिङ नेपालका तर्फबाट रचना चौधरी, रीया शर्मा, कप्तान पूजा महतो, सीमाना केसीले एक-एक विकेट लिएका थिए। पहिलो ओभरको तेस्रो बलमै विकेट लिएर चौधरीले बाङ्ग्लादेशमाथि दबाब सिर्जना गर्न खोजेकी थिइन्। त्यसैगरी दोस्रो ओभरमा शर्माले फहमिदा चोयालाई बोल्ड गरिन्। त्यसपछि भने बाङ्ग्लादेश सम्हालिएर खेल्न सफल भयो। १६ देश सहभागी विश्वकपमा नेपाल छनौट चरण पार गर्दै प्रतियोगितामा प्रवेश पाएको हो। मलेशिया भने आयोजक राष्ट्रका हैसियतमा सहभागी भएको थियो।

प्रकाशित : माघ ५,२०८१ ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

टिकटकको सस्तो साडीको लोभमा फस्दा जनकपुरका व्यक्तिको खाताबाट २ लाख गायब, दुई युवकविरुद्ध ठगी मुद्दा : JCNEPAL MEDIA

हँसपुरको नौवाखोर प्रसाहीमा भोली नैना हस्पिटलको पाठेघर सम्बन्धि निःशुल्क स्वास्थ्य शिविर हुँदै : JCNEPAL MEDIA

धनुषा २ मा नेपाली काँग्रेसको अधिवेशनमा विवाद , अधिवेशन*नै* नगरी केन्द्रीय महाधिवेशन प्रतिनीधि, प्रसैला र गोहिबार भए फिर्ता : JCNEPAL MEDIA

आज देशका विभिन्न प्रदेशमा हल्कादेखि मध्यमसम्म वर्षा हुने : JCNEPAL MEDIA

रुससँगको सुरक्षा चिन्ता र बढ्दो महँगीबीच लात्भियामा संसदीय निर्वाचन : JCNEPAL MEDIA

कांग्रेस महाधिवेशनमा प्रमुख अतिथिका लागि गगनले पठाए देउवालाई निम्तो : JCNEPAL MEDIA