ट्रम्पले राजकुमार ह्यारिलाई देश निकाला गर्लान् ? : अमेरिका JCNEPAL MEDIA

1 वर्ष पहिले

माघ २८,२०८१ / जेसी नेपाल संवाददाता

काठमाडौं : अन्तर्राष्ट्रिय सञ्चारमाध्यामले चासोका साथ अमेरिकामा बस्दै आएका बेलायती राजकुमार ह्यारीका विषयमा समाचारहरू संप्रेसण गरीरहेका छन्। उनलाई ‘डिपोर्ट’ गरिनसक्ने चर्चाबिच अमेरिकी राष्ट्रपति डोनाल्ड ट्रम्पले राजकुमार ह्यारीलाई देश निकाला गर्ने तत्काल कुनै योजना नरहेको बताए। ट्रम्पले भने ‘ह्यारीसँग आफ्नै श्रीमतीसँग पर्याप्त समस्या छन्।

ट्रम्पले ह्यारीकी पत्नी मेघन मार्कललाई ‘भयानक’ भन्दै गम्भीर टिप्पणी गरेका छन्। यसअघि, ह्यारीले आफ्नो आत्मकथा ‘स्पेयर’मा लागूऔषध प्रयोग गरेको स्वीकारेपछि उनको भिसा सम्बन्धी विवाद उत्पन्न भएको थियो। कतिपयले उनको यहि स्वीकारोक्तिलाई लिएर ‘डिपोर्ट’ गर्नुपर्ने मत राख्दै आएका थिए। तर, ट्रम्पले ह्यारीलाई देश निकाला नगर्ने स्पष्ट पारेसँगै यो बहसले किनारा पाउने विश्वास गरिएको छ। अमेरिकी राष्ट्रपति डोनाल्ड ट्रम्पले ह्वाइट हाउसमा पुनरागमन गरेपछि अवैध आप्रवासीहरूविरुद्ध कडा कारबाही सुरु गरेका छन्।

तर, ड्युक अफ ससेक्स, राजकुमार ह्यारीको आप्रवासन स्थिति विवादित रहेको भएपनि, ट्रम्पले उनलाई अमेरिका बाहिर निकाला नगर्ने स्पष्ट पारेका हुन्। डोनाल्ड ट्रम्पले राजकुमार ह्यारीका जेठा दाजु, राजकुमार विलियमको प्रशंसा गर्दै उनलाई "उत्कृष्ट युवा व्यक्त"भनेका छन्। डिसेम्बर २०२४ मा पेरिसमा नोट्र डाम क्याथेड्रलको पुनः उद्घाटन समारोह को क्रममा ट्रम्प र विलियमबीच निजी भेटघाट भएको थियो। ड्युक र डचेस अफ ससेक्स (ह्यारी र मेघन) लामो समयदेखि ट्रम्पका कट्टर आलोचक रहँदै आएका छन्। मेघन मार्कलले यसअघि सार्वजनिक रूपमा ट्रम्पलाई ‘विभाजनकारी’ र ‘महिलाविरोधी’ भनेकी थिइन्, भने ट्रम्पले नियमित रूपमा ह्यारीलाई मजाक बनाउँदै ‘मेघनले ह्यारीलाई पूर्ण रूपमा नियन्त्रणमा लिएको, बताएका छन्। उनले भने ‘मलाई लाग्छ, बिचरा ह्यारीलाई नाकै समातेर घुमाइरहेकी छ।

ट्रम्पले अघिल्लो अन्तर्वार्तामा भनेका थिए, जसलाई न्यूयोर्क पोस्टले उद्धृत गरेको छ। हेरिटेज फाउन्डेसनले अमेरिकी आन्तरिक सुरक्षा विभाग (डिएचएस)विरुद्ध दायर गरेको मुद्दाले राजकुमार ह्यारीको भिसा आवेदन प्रक्रियामै शंका उठाएको छ। फाउन्डेसनले ह्यारीको आत्मकथा ‘स्पेयर’ मा उनले कोकिन, गाँजा र साइकेडेलिक पदार्थ सेवन गरेको स्वीकारोक्तिलाई आधार बनाई भिसा आवेदनमा उनले सत्य जानकारी दिएका थिए।

हेरिटेज फाउन्डेसनका नाइल गार्डिनरले भने ,अमेरिका प्रवेशका लागि आवेदन दिने जो कोहीले सत्य विवरण दिनुपर्छ। राजकुमार ह्यारीले त्यस्तो गरेका थिए वा थिएनन् भन्ने अझै स्पष्ट छैन। उनको आत्माकथालाई आधार मान्दै केही रुढीवादी थिंक ट्यांकहरूले ह्यारीले बाइडेन प्रशासनबाट विशेष सुविधा पाएको हुनसक्ने आशंका व्यक्त गरेका छन्। राजकुमार ह्यारी र मेघन मार्कलले २०२० मा बेलायती राजपरिवार परित्याग गरी अमेरिका सरेपछि यो विवाद उत्पन्न भएको हो। यो घटनालाई व्यापक रूपमा ‘मेगसिक्ट’ भनेर चिनिने गर्छ।

प्रकाशित : माघ २८,२०८१ ००:०००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

मलंगवामा मध्यरातमा छापा मारेपछि ७५ बोरा फर्सीको बीउ बरामद, प्रहरीमाथि ढुंगामुढा, ग्यासफायरपछि स्थिति नियन्त्रणमा : JCNEPALMEDIA

प्रहरी पोशाक खरिदमा नयाँ मोड : स्वयं खरिद प्रणाली लागू गर्ने सरकारको तयारी : JCNEPALMEDIA

एमाले पुनर्गठनका लागि लुम्बिनीमा संकलन गरिँदै सुझाव : JCNEPALMEDIA

पासपोर्ट छपाइको जिम्मा पाएको जर्मन कम्पनीका नेपाल प्रतिनिधि मनेन्द्र मल्ल पक्राउ : JCNEPALMEDIA

परराष्ट्र मन्त्री खनाल र विदेशमन्त्री वाङबीच द्विपक्षीय वार्ता : JCNEPALMEDIA

मधेस प्रदेशका अर्थमन्त्रीले वाचन गरेको बजेट र मन्त्रालयगत बजेटमा ८ अर्ब भन्दा बढीको फरक : JCNEPALMEDIA