तपाईं कहिल्यै युद्ध जित्न सक्नुहुन्न भनेपछि ट्रम्प-जेलेन्स्की वार्ता नोकझोँकमा परिणत : JCNEPAL MEDIA

1 वर्ष पहिले

फाल्नु १७,२०८१/ जेसी नेपाल संवाददाता

काठमाडौं : अमेरिकी राष्ट्रपति डोनाल्ड ट्रम्प र युक्रेनका राष्ट्रपति भ्लोदिमिर जेलेन्स्कीबीच भएको भेटवार्ता नोकझोँकमा परिणत भएको छ । ह्वाइट हाउसमा भएको भेटमा ट्रम्पले जेलेन्स्कीलाई उनको व्यवहार र कार्यशैलीबारे चेतावनी दिएका छन् । जेलेन्स्कीलाई ट्रम्पले भनेका छन् : तपाईंको व्यवहार सम्झौता गर्नेजस्तो छैन ।

ख्याल गर्नुहोला, रुससँग युक्रेनले युद्धमा कहिल्यै जित्न सक्दैन। वार्ताकै क्रममा अमेरिकी राष्ट्रपति ट्रम्पले युक्रेनमा ठूलो समस्या भएको र त्यसलाई जित्न जेलेन्स्कीले नसक्ने दाबी गरेका थिए । तर अमेरिकाको साथमा भए त्यो समस्याबाट निस्कने मौका रहेको उनको भनाइ थियो । हामीले तपाईंलाई ३५० अर्ब डलर दिएका छौं । हामीले सैन्य उपकरणहरू दिएका छौं । यदि हामीले सैन्य सहायता नदिएको भए यो युद्ध दुई हप्तामा समाप्त हुने थियो : ट्रम्पले भनेका छन् । उनले जेलेन्स्कीलाई युद्ध बिरामको मनसाय छ कि छैन ? भन्दै प्रश्न गरेका थिए । यदि मैले तपाईं दुवै जना (रुस र युक्रेन) लाई बीचमा ल्याइन भने तपाईंहरू कहिले डिल गर्न सक्नुहुन्न । तपाईं पुटिनलाई घृणा गर्नुहुन्छ ।

अर्को पक्षको बारेमा पनि मनपर्ने केही छैन । यदि तपाईं मलाई कडा बन्न चाहनुहुन्छ भने, म संसारमा अरू कसैभन्दा कडा हुन सक्छु । तर तपाईंले यसरी सम्झौता गर्न सक्नुहुन्न : ट्रम्पको भनाइ थियो । जवाफमा जेलेन्स्कीले पनि आफूहरू युद्धविरामको पक्षमा रहेको बताएका छन् । ‘हामी पनि युद्धविराम चाहन्छौं,’ उनको भनाइ थियो । अमेरिका र रुसका प्रतिनिधिले हालै रुस र युक्रेनबीच जारी युद्ध अन्त्यका लागि वार्ता गरेका थिए । भेटका क्रममा अमेरिकी उपराष्ट्रपति जेडी भेन्सले पनि जेलेन्स्कीलाई ‘अनादर’ गर्ने व्यक्ति रहेको टिप्पणी गरेका थिए । जेलेन्स्कीले भेन्सको उक्त भनाइप्रति लक्षित गर्दै प्रश्न उठाएपछि तनाव सुरु भएको थियो ।

प्रकाशित : फाल्नु १७,२०८१ शनिबार         ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

मलंगवामा मध्यरातमा छापा मारेपछि ७५ बोरा फर्सीको बीउ बरामद, प्रहरीमाथि ढुंगामुढा, ग्यासफायरपछि स्थिति नियन्त्रणमा : JCNEPALMEDIA

प्रहरी पोशाक खरिदमा नयाँ मोड : स्वयं खरिद प्रणाली लागू गर्ने सरकारको तयारी : JCNEPALMEDIA

एमाले पुनर्गठनका लागि लुम्बिनीमा संकलन गरिँदै सुझाव : JCNEPALMEDIA

पासपोर्ट छपाइको जिम्मा पाएको जर्मन कम्पनीका नेपाल प्रतिनिधि मनेन्द्र मल्ल पक्राउ : JCNEPALMEDIA

परराष्ट्र मन्त्री खनाल र विदेशमन्त्री वाङबीच द्विपक्षीय वार्ता : JCNEPALMEDIA

मधेस प्रदेशका अर्थमन्त्रीले वाचन गरेको बजेट र मन्त्रालयगत बजेटमा ८ अर्ब भन्दा बढीको फरक : JCNEPALMEDIA