जिल्ला प्रहरी परिसर काठमाडौं द्वारा क्रिप्टोकरेन्सी कारोबारी लुट्ने ३ प्रहरीसहित ६ जना परे पक्राउ : JCNEPAL MEDIA

6 महीना पहिले

फाल्नु २१,२०८१/ जेसी नेपाल संवाददाता

काठमाडौं : लुटपाटमा संलग्न रहेको भन्दै ३ जना प्रहरीसहित ६ जनालाई जिल्ला प्रहरी परिसर काठमाडौंले पक्राउ गरेको छ । लुटेराहरूसँग मिलेर अपराधमा संलग्न भएको आरोपमा सशस्त्र प्रहरीका सहायक हवल्दार प्यूठानका ३६ वर्षीय राजेन्द्रबहादुर केसी, प्रहरी सहायक हवल्दार बाँकेका ३५ वर्षीय खगेन्द्र मल्ल ठकुरी र प्रहरी जवान खोटाङका २४ वर्षीय हीरा मंग्रातीलाई नियन्त्रणमा लिइएको हो । प्रहरी उपरीक्षक अपीलराज बोहराका अनुसार उनीहरूले मोरङका २४ वर्षीय कपिल बस्नेत, दोलखाका ३१ वर्षीय संजोक तामाङ र मोरङका २० वर्षीय मनिष कुमार रायसँग मिलेर क्रिप्टोकरेन्सी कारोबारी धादिङका २६ वर्षीय रोशन गुरुङलाई लुटेका थिए।

रोशन गुरुङले आफू लुटिएको भन्दै सोमबार प्रहरीलाई खबर गरे,उपरीक्षक बोहराले भने । बानेश्वरमा प्रहरी नै संलग्न भएर सोमबार उनलाई लुटेका रहेछन् । अनुसन्धानको क्रममा गुरुङ क्रिप्टोकरेन्सीको कारोबारी समेत भएको खुलेको छ। पक्राउ परेका प्रहरीहरु तीनै जना घुमुवा (सूचना संकलन गर्ने) प्रहरी हुन् । उनीहरुले गुरुङबाट १४ लाख रुपैयाँ, प्रहरीको परिचय पत्र र हतकडीसमेत देखाएर लुटेको बताइएको छ । प्रहरीले रोशन गुरुङलले क्रिप्टोकरेन्सीमा एक अर्ब सतासी करोड सात लाख तेह्र हजार एक सय रुपैयाँ कारोबार गरेकोसमेत बताएको छ ।

पक्राउ परेका रोशन गुरुङलाई अभौतिक मुद्रा सम्बन्धी कसुरमा मुद्दा दर्ता भएको छ भने बाँकीलाई डाँका–चोरी कसुरमा काठमाडौं जिल्ला अदालतबाट पाँच दिनको म्याद थप गरेर अनुसन्धान भइरहेको उपरीक्षक बोहराले जानकारी दिए । प्रहरीले लुटपाटमा संलग्न ६ जनाबाट १२ लाख १० हजार, ६ थान मोबाइल र गाडी बरामद गरेको छ भने रोशन गुरुङको साथबाट दुई वटा मोबाइल, एउटा ल्याप्टप र दुई लाख १९ हजार रुपैयाँ बरामद गरेको थियो ।

प्रकाशित : फाल्नु २१,२०८१                     ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

रौतहटमा दिनदहाडै छुरा प्रहार, १८ वर्षीय युवकको मृत्यु : JCNEPAL MEDIA

आजको बैठकमा सांसदहरुको प्रश्नको प्रधानमन्त्रीले जवाफ दिने : प्रतिनिधि सभा JCNEPAL MEDIA

भूमि आयोगका अध्यक्षसहित पाँच जना फरार : सिरहा JCNEPAL MEDIA

यातायात व्यवस्था कार्यालय गौरकाे लाइसेन्समा अवैध कारोबार चलिरहेको खुलासा : JCNEPAL MEDIA

कक्षा १२ मा ६१.१७ प्रतिशत विद्यार्थी उत्तीर्ण : राष्ट्रिय परीक्षा वाेर्ड JCNEPAL MEDIA

हँसपुर नगरपालिका मेयर प्रदिप यादवले एक पछि अर्को घटना गराउदै , मनमौजी नमानेपछि उपमेयरलाई हाकिमको धम्की : धनुषा JCNEPAL MEDIA