एमाले धनुषाको अधिबेशनमा विवाद, निर्वाचन प्रक्रिया हालका लागि स्थगित : JCNEPAL MEDIA

2 वर्ष पहिले

बैशाख २३,२०८१ / जेसी नेपाल संवाददाता

जनकपुरधाम : नेपाल कम्युनिस्ट पार्टी (एमाले) को ८औं धनुषा जिल्ला अधिवेशन अन्तर्गत आज बिहान १० बजेदेखि हुने भनिएको निर्वाचन प्रक्रिया दिउँसो ४ बजेसम्म पनि सुरु हुन सकेको थिएन ।

निर्वाचन सुरु गराउन मतदान स्थलमा उपस्थित नेता तथा कार्यकर्ताहरू नाराबाजी गरिरहेका थिए । विचविचमा झडप भइरहेका थिए । निर्वाचनमा जिल्ला अध्यक्ष पदका लागि भोला यादव र लक्ष्मी यादव बीच प्रतिस्पर्धा हुने भनिएको छ ।भने सचिव पदमा धिरेन्द्र मण्डल र दिप नारायण ठाकुर बीच प्रतिस्पर्धा तय भएको छ। जेसी नेपालसँग कुराकानी गर्दै सचिव पदका उम्मेदवार मंडलले निर्वाचन प्रक्रियामा ढिलाइ हुनु लोकतान्त्रिक मूल्य र मान्यताविपरीत भएको बताए।

“निर्वाचन लोकतन्त्रका गहना हुन्। तर हाम्रा प्रतिस्पर्धीहरू पराजयको डरले प्रक्रिया बिथोल्न खोजिरहेका छन्,” उनले आरोप लगाए। मंडलले निर्वाचन प्रक्रिया शान्त, सहज र विधानअनुसार अघि बढाउन निर्वाचन अधिकृतसमक्ष आग्रहसमेत गरिएको जानकारी दिएका छन्। कार्यकर्ताहरू निर्वाचन प्रक्रिया छिटो सुरु गरिनुपर्ने माग गर्दै नाराबाजीमा उत्रिएका थिए ।

विवाद हुदा हालकाे लागि निर्वाचन प्रक्रिया स्थगन गरिएको भएता पनि कहिले सुरु हुने भन्ने बारे अझै आधिकारिक जानकारी आएको छैन।

प्रकाशित : बैशाख २३,२०८१                ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

पत्रकार नियन्त्रणमा लिएपछि मध्यराति प्रहरीको स्पष्टीकरण : सही मनसायले बोलाएका हौं : JCNEPALMEDIA

मधेस सरकारमा एमालेको समर्थन गुमाएपछि मुख्यमन्त्री यादवका लागि बहुमत जुटाउनु चुनौतीपूर्ण : JCNEPALMEDIA

निर्वाचनको एक साता अघि डेमोक्र्याटिक सांसद द्वारा डोनाल्ड ट्रम्पमाथि बलात्कारको आरोप : JCNEPALMEDIA

रथी बढुवाका लागि थापाको नाम सिफारिस, प्रधानसेनापति हुने रोलक्रममा अघि : JCNEPALMEDIA

अदालतको आदेश विपरीत बढुवा सिफारिस गर्ने प्रदेश लोक सेवा आयोग अध्यक्ष गुरागाईँले दिए पदबाट राजीनामा : JCNEPALMEDIA

मधेश प्रदेशमा १६८ (३) अनुसार जसपाको सरकार बन्न सक्ने, सरोज यादव मुख्यमन्त्री बन्दा एमाले र जनमतको समर्थन रहने : JCNEPALMEDIA