टेरामक्स प्रकरणमा ३ अर्ब २१ करोड बढी भ्रष्टाचार, पूर्वमन्त्री बस्नेतसहित १६ जनाविरुद्ध मुद्दा दायर : JCNEPAL MEDIA

2 महीना पहिले

जेष्ठ ०१,२०८१ / जेसी नेपाल संवाददाता

काठमाडौं : अख्तियार दुरुपयोग अनुसन्धान आयोगले टेरामोक्स खरिद प्रकरणमा भ्रष्टाचार भएको ठहर गर्दै पूर्वमन्त्री मोहनबहादुर बस्नेतविरुद्ध विशेष अदालतमा मुद्दा दर्ता भएको छ ।

अख्तियारले सूचना तथा सञ्चार मन्त्रालयका तत्कालीन मन्त्री एवं हाल प्रतिनिधिसभाका सांसद बस्नेत, दूरसञ्चार प्राधिकरणका तत्कालीन अध्यक्ष दिगम्बर झासमेत गरी १६ जना र कम्पनी उपर बिगो रकम ३,२१,८३,७७,१८२।– ( तीन अर्ब २१ करोड ८३ लाख ७७ हजार १८२) कायम गरी सार्वजनिक सम्पत्ति हानि नोक्सानी गरी भ्रष्टाचार गरेको सम्बन्धी आरोप पत्र दायर गरेको जनाएको छ । नेपाल दूरसञ्चार प्राधिकरणले टेलिकम्युनिकेशन ट्राफिक मनिटरिङ र फ्रर्ड कन्ट्रोल सिस्टक (टेरामक्स) खरिद कार्यमा परामर्शदाताको छनौट गर्दा योग्यता नपुग्ने प्रस्ताव दाताको गलत प्रतिवेदन तयार गरी रिक्वेस्ट फर प्रपोजलका आधारमा सहभागी गराई छनौट गरी अनियमितता गरेको आरोप लगाएको छ ।

टेरामक्स सञ्चालन तथा नियन्त्रण गर्न पाउने सो प्रणाली सर्वोच्च अदालतबाट उत्प्रेषणयुक्त परमादेश रिट निवेदनमा भएको आदेश अनुकूलको कुनै कानूनी व्यवस्था नगरी गरिएको अख्तियारको दावी छ । यसले नागरिकको व्यक्तिगत सूचनामा पहुँच पाउने गरी अनधिकृत तबरमा संरचना स्थापना गर्न राज्यको सम्पत्तिको दुरुपयोग गरी हानीनोक्सानी पुर्याई भ्रष्टाचार गरेको भन्ने समेत ब्यहोराको उजुरीका सम्बन्धमा अनुसन्धान हुँदा नेपाल दूरसञ्चार नियमावली, २०५४ को दफा ३४ ग बमोजिम प्राधिकरणले आ.व. २०७४/७५ को वार्षिक कार्यक्रम सहमतिको लागि सञ्चार तथा सूचना प्रविधि मन्त्रालयमा पठाएकोमा प्राधिकरणको प्रस्तावित कार्यक्रममा समावेश नभएका टेरामक्सको विषयमा उठाइएको दाबी गरिएको छ ।

तत्कालीन मन्त्री बस्नेतले आफ्नो क्षेत्राधिकार बाहिर गई एकल रुपमा निर्णय गरी कार्यान्वयनको लागि निर्देशन दिएको र सोही निर्देशन अनुसार नेपाल दूरसञ्चार प्राधिकरणका तत्कालीन पदाधिकारीहरूले एकआपसमा मिलेमतो गरी सम्मानित सर्वोच्च अदालतबाट रिट नं.०६९–wo–०२६८ का सम्बन्धमा मिति २०७२/१०/२१ मा जारी भएको आदेशको प्रतिकूल र प्रचलित कानून विपरीत निम्न कार्यहरू गरी गराइएको अख्तियारको भनाइ छ । सार्वजनिक संस्था नेपाल दूरसञ्चार प्राधिकरणलाई हानि नोक्सानी गर्ने/गराउने कार्य गरी भ्रष्टाचार निवारण ऐन, २०५९ को दफा १७ बमोजिमको कसुर गरेको स–प्रमाण पुष्टि भएकोले उक्त कार्यमा संलग्न देहायका प्रतिवादीहरु उपर देहाय बमोजिमको सजाय हुन माग दावी लिई आज विशेष अदालत, काठमाडौंमा आरोप पत्र दायर गरिएको अख्तियारले जनाएको छ । यस प्रकरणमा पूर्वमन्त्री ज्ञानेन्द्रबहादुर कार्कीलाई भने समावेश नगरेको पाइएको छ । पूर्वमन्त्री बस्नेत, दूरसञ्चार प्राधिकरणका तत्कालीन अध्यक्ष दिगम्बर झासहित १६ जनाविरुद्ध बिहीबार मुद्दा दायर गरिएको हो । तत्कालीन मन्त्री बस्नेतले आफ्नो क्षेत्राधिकार बाहिर गई एकल रूपमा निर्णय गरी कार्यान्वयनको लागि निर्देशन दिएको र सोही निर्देशन अनुसार नेपाल दूरसञ्चार प्राधिकरणका तत्कालीन पदाधिकारीहरूले एक आपसमा मिलेमतो गरी प्रचलित कानुन विपरीत कार्य गरेको अख्तियारको ठहर छ ।

मुद्दा दायर भएका अन्यमा प्राधिकरणका तत्कालीन सदस्यहरू धनराज ज्ञवाली, टीका प्रसाद उप्रेती, तत्कालीन अध्यक्ष पुरुषोत्तम खनाल, प्राधिकरणका निर्देशक विजय कुमार राय, उपनिर्देशक रेवती राम पन्थ, उपनिर्देशक सुरेश बस्नेत, उपनिर्देशक हिरण्य प्रसाद बस्ताकोटी र उपनिर्देशक अच्युतानन्द मिश्र, निर्देशक सुरेन्द्रलाल हाडा, दिपेश आचार्य र उपनिर्देशक संदिप अधिकारी, परामर्शदाता जमाल अनौती, एजेन्ट दिलीप कुमार गुरुङ, तेज प्रसाद खरेल रहेका छन् ।

प्रकाशित : जेष्ठ ०१,२०८१            ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

कमाण्ड कन्ट्रोलमा अब्बल डिआईजी चतुर्वेदी ,मुस्लिम समुदायको दाहा शान्तिपूर्वक सम्पन्न : मधेस प्रदेश JCNEPAL MEDIA

जनकपुर रेल्वेमा कटेर एक जना पुरूषको मृत्यू : JCNEPAL MEDIA

भोजपुर सामूहिक हत्या प्रकरण : आरोपी राई घाइते अवस्थामा फेला, थप उपचारका लागि धरान लगिँदै JCNEPAL MEDIA

प्रदेश सरकारबाट नाउपा बाहिरिएपछि देउवा भेट्न काठमाडौं आइपुगे मुख्यमन्त्री शाह : JCNEPAL MEDIA

ट्रम्प र पुटिनको वार्ता निष्कर्षविहीन भएपछि रुसद्वारा युक्रेनमाथि भीषण आक्रमण : JCNEPAL MEDIA

धनाैजीका पुर्व नगर अध्यक्ष सहित ९ जनाविरूध भ्रष्टाचार मुद्दा, उप- प्रमुख समेत अख्तियारकाे फन्दा : JCNEPAL MEDIA