प्रेम विवाहको एक बर्षपछि श्रीमतीसहित परिवारका ४ जनाको हत्या गरेर अभियुक्तले बाेलाए प्रहरी : JCNEPAL MEDIA

24 दिन पहिले

असार २२,२०८२ / जेसी नेपाल संवाददाता

भोजपुर : प्रेम विवाह भएको एक बर्षपछि एक व्यक्तिले आफ्नै घर परिवारका चार जनाको हत्या गरेका छन् । भोजपुरमा एक व्यक्तिले आफ्नो परिवारका चार सदस्यको हत्या गरेपछि प्रहरीलाई फोन गरेको थियो । भोजपुर नगरपालिका वडा नं. २ हेलौछा बस्ने राजेन्द्र राईले रामप्रसाद राई गाउँपालिका–२ धोदलेखानीमा सासु, ससुरा, श्रीमती र सालोको धारिलो हतियार प्रहार गरी हत्या गरेका हुन् ।

जिल्ला प्रहरी कार्यालय भोजपुरका इन्सपेक्टर दीपक श्रेष्ठका अनुसार राई आफैंले शनिबार राति सवा १ बजे प्रहरी कन्ट्रोल रुममा फोन गरेर ‘ममाथि चक्कु प्रहार भएकाले मैले मान्छे मारें, मलाई पक्राउ गर्न आउनुस्’ भनेर फोन गरेका थिए । त्यसपछि तत्काल अस्थायी प्रहरी चौकी ओख्रेबाट प्रहरी सहायक निरीक्षक अशोक कुमार खवास र जिल्ला प्रहरी कार्यालय भोजपुरबाट हबल्दार नेतृत्वको टोली परिचालित भएको थियो । घटनास्थल रामप्रसाद राई गाउँपालिका–२ धोदलेखानीमा प्रहरी पुग्दा राजेन्द्र राईका ससुरा ६८ वर्षीय बेलबहादुर गिरी, सासु मन्जु गिरी र उनका श्रीमती र सालोको शव फेला परेको थियो ।

प्रहरीले श्रीमती र सालो ‘अन्डर एज’को भएको भन्दै नाम भने खुलाएको छैन । श्रीमती १६ वर्ष र सालो १० वर्षका छन् । राजेन्द्र राईलाई भने रामप्रसाद राई गाउँपालिका वडा नम्बर १ हर्बुभञ्ज्याङ भन्ने ठाउँमा घाइते अवस्थामा फेला पारेर प्रहरीले नियन्त्रणमा लिएको छ । चार जनाको हत्या भएको ठाउँ र राजेन्द्र राई घाइते अवस्थामा फेला परेको ठाउँ करिब ४–५ किलोमिटर दुरीमा पर्दछ । राजेन्द्र राईको पेटमा धारिलो हतियारको चोट छ । उनी जिल्ला अस्पतालमा उपचाररत छन् । उनले शनिबार राति करिब ११ बजे सासु आमाले चक्कुले हानेपछि आफूले चार जनाको हत्या गरेको प्रारम्भिक बयान दिएका छन् ।

‘उनी बिस्तारै(बिस्तारै बोल्न सक्छन्, आफूले हत्या गरेको भनेका छन् । घटनाबारे अनुसन्धान भइरहेको छ,’ इन्सपेक्टर दीपक श्रेष्ठले भने ।

प्रकाशित : असार २२,२०८२                 ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

इन्डो-तिब्बती सीमा प्रहरी ITBP का जवानहरूले भरिएको बस नदीमा खस्यो, अहिलेसम्म एक जना पनि सैनिक भेटिएनन् : JCNEPAL MEDIA

भयानक भूकम्पपछि सुनामीको चपेटामा रूस : JCNEPAL MEDIA

मधेश प्रदेश लोकसेवाबाट पास भएका उम्मेदवारलाई मन्त्रालय द्वारा नियुक्ति दिन आलटाल : JCNEPAL MEDIA

जनकपुरमा खुकुरी प्रहारबाट किशोरीको मृत्यु, दुई जना घाइते : JCNEPAL MEDIA

आज यी पाँच प्रदेशमा भारी वर्षाको सम्भावना, मधेस र लुम्बिनी प्रदेशमा हावाहुरी चल्ने

मधेश प्रहरीमा असुली र अराजकता, दुई वर्षमा ६०९ प्रहरी कारबाहीमा : मधेस प्रदेश JCNEPAL MEDIA