पतिपत्नी सवार मोटरसाइकलमाथि पहिरो खस्यो, पतिको मृत्यु, पत्नी घाइते : पाल्पा JCNEPAL MEDIA

11 महीना पहिले

असार २५,२०८२ / जेसी नेपाल संवाददाता

जनकपुरधाम : पाल्पामा गुडिरहेको मोटरसाइकलमाथि पहिरो खस्दा चालकको मृत्यु भएको छ। मंगलबार साँझ भएको यो घटनामा मोटरसाइकलकी पत्नी घाइते भएकी जिल्ला प्रहरी कार्यालय पाल्पाले जनाएको छ। मृत्यु हुनेमा रामपुर नगरपालिका-५ तालपोखराका ३६ वर्षीय जनक भण्डारी रहेका प्रहरी नायब उपरीक्षक सुनिल मल्लले जानकारी दिए।

मोटरसाइकलको पछाडि सवार भण्डारीकी पत्नी २९ वर्षीया कल्पना चापागाईं घाइते भएकी छन्। पहिरोमा गम्भीर घाइते भण्डारीलाई उपचारका लागि बुटवलस्थित लुम्बिनी प्रादेशिक अस्पतालमा पुर्‍याउँदा चिकित्सकले मृत घोषणा गरेका हुन्। पाल्पाबाट बुटवलतर्फ जाँदै गरेको लु.५१ प ६६३३ नम्बरको मोटरसाइकललाई सिद्धार्थ राजमार्गमा पर्ने तिनाउ गाउँपालिका-३ माथिल्लो सिद्धबाबा खण्डमा पहिरोमा परेको हो। ढुंगासहितको पहिरोले लाग्दा भण्डारी दम्पती सडकबाट ३० मिटर तल खसेका थिए।

घाइते कल्पनाको बुटवलस्थित लुम्बिनी प्रादेशिक अस्पतालमा उपचार भइरहेको प्रहरीले जनाएको छ। उनको अवस्था सामान्य छ।

प्रकाशित : असार २५,२०८२         ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

परराष्ट्र मन्त्री खनाल र विदेशमन्त्री वाङबीच द्विपक्षीय वार्ता : JCNEPALMEDIA

मधेस प्रदेशका अर्थमन्त्रीले वाचन गरेको बजेट र मन्त्रालयगत बजेटमा ८ अर्ब भन्दा बढीको फरक : JCNEPALMEDIA

हवाई फायर गरेर ठूलो परिमाणमा लागूऔषधसहित तीन जना पक्राउ : JCNEPALMEDIA

कसमिरमा सेनाले गाेलि चलायाे ,४६ जनाकाे मृत्यु : JCNEPALMEDIA

चोरीको मुद्दामा पक्राउ परेका युवकको प्रहरी हिरासतमा मृत्यु : JCNEPALMEDIA

भारतमा विमान दुर्घटनाग्रस्त हुँदा दुई अधिकारी र दुई अग्निवीरवायु सहित पाँच वायुसेना जवानको मृत्यु : JCNEPALMEDIA