प्रहरी र तस्करबीच पैसाको डील भएको अडियो बाहिरियो : JCNEPAL MEDIA

1 वर्ष पहिले

श्रावण ०२,२०८१ / जेसी नेपाल संवाददाता

रौतहट : सर्लाहीमा प्रहरीले तस्करसँग पैसाको मोलमोलाई गरेको अडियो बाहिरिएको छ। तस्करसँग लेनदेन गरेको अडियो बाहिरिएपछि इलाका प्रहरी कार्यालय हिरापुर सर्लाहीमा कार्यरत सई वैधनाथ दास निलम्बनमा परेका छन्। सई दासले आफ्ना घुमुवा प्रहरी जवान सन्तोष यादवमार्फत तस्कर गरेको त्रिपक्षीय घुस लेनदेनको अडियो सार्वजनिक भएपछि जिल्ला प्रहरी कार्यालय सर्लाहीले उनलाई शुक्रबार निलम्बन गर्नका लागि मधेस प्रदेश प्रहरी कार्यालय जनकपुर हुँदै प्रहरी प्रधान कार्यालयमा सिफारिस पठाएको हो।

सर्लाहीका नामुद तस्कर राजीव यादवसँग मिलेर तस्करी गराउन सघाउनका लागि सई दासले घुमुवा जवान यादवमार्फत १८ हजार रुपैयाँ मागेका थिए। सई दास यसअघि पनि पर्सा जिल्लामा कार्यरत रहँदा २०७७ साल मंसिर ५ गते तस्करसँग घुस लिएको आरोपमा निलम्बनमा परेका थिए। दासको करिब एक वर्षपछि पाँच वर्ष बढुवा रोक्का गरी पुनः कारबाही फुकुवा भएर जागिरमा जोडिए पनि आफ्नो तस्करसँगको हिमचिम छाडेका थिएनन्। सई दास करिब ८ महिनादेखि हिरापुरमा आफ्नो प्रभाव जमाएर बसेका थिए। हिरापुर भारतसँग सीमा जोडिएको नाका भएकाले प्रहरीसँगको मिलेमतोमा तस्करी हुने गरेको छ।

जिल्ला प्रहरी कार्यालय सर्लाहीका प्रहरी प्रवक्ता डीएसपी सरोज राईले सई दासलाई निलम्बन सिफारिस गरिसकेको पुष्टि गर्दै शुक्रबार बिहान तस्कर र सईबीचको अडियो बाहिरिएपछि प्रमाण नष्ट हुन नदिन सई दासलाई नेपाल प्रहरी मधेस प्रदेश कार्यालय हुँदै प्रहरी प्रधान कार्यालयलाई निलम्बनको सिफारिस पठाएको र उनको ठाउँमा अर्को सई पठाउने तयारी भइरहेको बताए।

प्रकाशित : श्रावण ०२,२०८१          ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

पत्रकार नियन्त्रणमा लिएपछि मध्यराति प्रहरीको स्पष्टीकरण : सही मनसायले बोलाएका हौं : JCNEPALMEDIA

मधेस सरकारमा एमालेको समर्थन गुमाएपछि मुख्यमन्त्री यादवका लागि बहुमत जुटाउनु चुनौतीपूर्ण : JCNEPALMEDIA

निर्वाचनको एक साता अघि डेमोक्र्याटिक सांसद द्वारा डोनाल्ड ट्रम्पमाथि बलात्कारको आरोप : JCNEPALMEDIA

रथी बढुवाका लागि थापाको नाम सिफारिस, प्रधानसेनापति हुने रोलक्रममा अघि : JCNEPALMEDIA

अदालतको आदेश विपरीत बढुवा सिफारिस गर्ने प्रदेश लोक सेवा आयोग अध्यक्ष गुरागाईँले दिए पदबाट राजीनामा : JCNEPALMEDIA

मधेश प्रदेशमा १६८ (३) अनुसार जसपाको सरकार बन्न सक्ने, सरोज यादव मुख्यमन्त्री बन्दा एमाले र जनमतको समर्थन रहने : JCNEPALMEDIA