मधेश प्रदेश लोकसेवाबाट पास भएका उम्मेदवारलाई मन्त्रालय द्वारा नियुक्ति दिन आलटाल : JCNEPAL MEDIA

4 महीना पहिले

साउन १३,२०८२ / जेसी नेपाल मिडिया

प्रदेश लोक सेवा आयोग, मधेश प्रदेश जनकपुरधामले सिफारिस गरेका एक उम्मेदवारलाई स्वास्थ्य मन्त्रालयले नियुक्ति दिन हप्तौँदेखि आलटाल गरिरहेका छन् । सहायक पाँचौं तहको रेफ्रिजरेटर टेक्निसियन (ईलेक्ट्रीकल समूह) पदको अन्तिम नतिजा गत मिति २०८२।०३।१२ मा सार्वजनिक गर्दै सिरहा नगरपालिका वडा नम्बर १५ को सरोज कुमार साहलाई स्थायी नियुक्तिका लागि सिफारिस गरिएको थियो ।

आयोगको विज्ञापन नं. ११६/०८०–८१ (खुला) अनुसार लिखित र अन्तर्वार्तामा सफल उम्मेदवारको रुपमा योग्य ठहरिएका साहलाई आयोगले मिति २०८२ असार १९ गते मुख्यमन्त्री तथा मन्त्रिपरिषद्को कार्यालय, मधेश प्रदेशमा सिफारिस गरेको थियो । तर, सिफारिस भएको ११ दिन बितिसक्दासमेत सरोज कुमार साहले नियुक्ति पत्र पाएका छैनन् ।

जेसी नेपाल मिडिया सँग कुराकानी गर्दै साहले भने, “मुख्यमन्त्री कार्यालय जाँदा फाईल स्वास्थ्य मन्त्रालयमा पठाएको भनेर पन्छिनछन स्वास्थ्य मन्त्रालय जाँदा दरबन्दी छैन भनेर टार्छन् । आखिर मेरो दोष के हो ?” सरोज कुमार साहको गुनासो छ प्रदेश लोक सेवा आयोगबाट विधिवत् रूपमा सिफारिस भइसकेको पदमा मन्त्रालयहरूले नियुक्ति गर्न आलटाल गर्नु आफैँमा गम्भीर प्रश्नको विषय हो । प्रदेश सरकार आयोगको निर्णयको सम्मान गर्दै समयमै नियुक्ति प्रक्रिया टुंग्याउन बाध्य छन्, तर जिम्मेवार निकायबाट नै टालटुल शैलीमा जवाफ आउनुले पारदर्शिता र जवाफदेहितामाथि प्रश्न उठेको छ ।

यता प्रदेश लोक सेवा आयोगले सिफारिससँगै उम्मेदवारको दरखास्त फाराम, प्रमाणपत्रका प्रतिलिपि र सिफारिस सूचना संलग्न गरेर पठाएको स्पष्ट पारीसकेको छ । यसरी योग्य उम्मेदवारलाई समयमै नियुक्ति नदिंदा सरकारी सेवा प्रवेश गर्ने युवामा निराशा थपिनुका साथै, सरकारप्रति विश्वास घट्ने खतरा बढेको छ । स्वास्थ्य तथा जनसँख्या मन्त्रालयले गत साउन ११ मा उम्मेदवार साहलाई दिएको पत्रमा स्वास्थ्य मन्त्रालयमा दरबन्दी खाली नरहेको र दोहोरो माग हुन पुगेको उल्लेख छ । लोकसेवाबाट सिफारिस भएका उम्मेदवारलाई राजनीतिक प्रतिशोधले नियुक्ति दिन नचाहेको आरोप उम्मेदवारको छ ।

समय समयमा विवादमा आईरहने मधेश प्रदेशको लोकसेवा आयोगले विधिवत सिफारिस गरेका उम्मेदवारलाई मन्त्रालयले नियुक्ति दिन चाहेका छैनन् । एक साताको समय दिएर सचिवस्तरीय निर्णय गर्नुपर्ने सुुनाएको उम्मेदवार साहले बताए ।

प्रकाशित : साउन १३,२०८२          ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

१३ बर्षिय बालिका अंशु गौतमलाई करणी गरि मार्ने उनकै छिमेकी हजुरबुबा : JCNEPAL MEDIA

निर्वाचन आयोगद्वारा राजनीतिक दललाई २० बुँदे निर्देशन : प्रवक्ता प्रकाश न्यौपाने JCNEPAL MEDIA

मधेशमा नयाँ सरकार गठनका लागि आज दाबी पेश गरिँदै, काँग्रेसका कृष्ण प्र.यादव मुख्यमंत्री हुने सम्भावना : JCNEPAL MEDIA

७ दल बीच सहमति जुटेकाे भनेता पनि मुख्यमन्त्रीमा साेनल र कृष्णप्रसाद यादवकाे दावी कायमै : JCNEPAL MEDIA

कोहलपुर इप्रकामा पत्रकारमाथि दुर्व्यवहार, अनियमितता खुलेआम, दादागिरी मौलाउदै : JCNEPAL MEDIA

भैरहवामा करोडौं ठगी गर्ने गिरोहका ९ जना पक्राउ : JCNEPAL MEDIA