यातायात व्यवस्था कार्यालय गौरकाे लाइसेन्समा अवैध कारोबार चलिरहेको खुलासा : JCNEPAL MEDIA

1 वर्ष पहिले

साउन २४,२०८२ / जेसी नेपाल संवाददाता

रौतहटको यातायात व्यवस्था कार्यालय गौरमा सवारी चालक अनुमतिपत्र (लाइसेन्स) वितरणमा चरम अनियमितता र अवैध कारोबार चलिरहेको खुलासा भएको छ।

कार्यालयमा ज्यालादारीमा नियुक्त सरसफाईकर्मी पिन्टु सिंह उर्फ रोशन सिंहले कार्यालय प्रमुख जितेन्द्रकुमार गुप्ताको निकटस्थको रूपमा सेवाग्राहीहरूसँग अवैध रकम असुली गर्दै आएको गम्भीर आरोप लागेको छ।

स्थानीय स्रोतका अनुसार सिंहले मोटरसाइकल (दुईपाङ्ग्रे) लाइसेन्सका लागि १० हजार रुपैयाँ र कार, जीप (चारपाङ्ग्रे) लाइसेन्सका लागि १५ देखि २५ हजार रुपैयाँसम्म बार्गेनिङ गरेर रकम असुल्ने गरेको पाइएको छ। आरोपअनुसार लिखित वा ट्रायल परीक्षा नदिएका व्यक्तिहरूलाई समेत रकमको आधारमा लाइसेन्स उपलब्ध गराउने प्रचलन खुलेआम चलिरहेको कटहरिया–३ का समाजसेवी रामबाबु साहले बताएका छन्। यसबाहेक, चोरीका भारतीय सवारी साधनलाई अवैध रूपमा नेपालीकरण गरेर दर्ता गराउनेसम्मको कार्यमा सिंहको संलग्नता रहेको कार्यालयकै एक कर्मचारीले दाबी गरेका छन्।

यस प्रक्रियामा कार्यालय प्रमुख गुप्ताले मौन सहमति जनाउँदै आएका आरोप लगाइएको छ। स्रोतका अनुसार, सेटिङ मिलाउने सेवाग्राहीलाई लिखित परीक्षामा २–५ प्रश्न मात्र टिक लगाउन लगाइने र ट्रायलमा पास नहुने व्यक्तिलाई प्रवेशपत्र बुझाएर मात्र हाजिरी पुर्‍याउने गरिएको छ। रकम बुझाए पछि न लिखित परीक्षा दिनु पर्ने न ट्रायल, सीधै स्मार्ट लाइसेन्स उपलब्ध गराइने अनियमितता चलिरहेको स्वयं लाईसेन्स लिएका एकजना सेवाग्राहीले बताएका छन्। स्थानीय सेवाग्राहीहरूले बढ्दो गुनासो र उजुरी गर्दा पनि सम्बन्धित निकायले अहिलेसम्म ठोस छानबिन तथा कारबाहीको प्रक्रिया सुरु गरेको छैन।

यातायात जस्तो संवेदनशील क्षेत्रमा नै प्रमुख र कर्मचारीको मिलोमतोमा रकम लेनदेन हुने अवस्थाले सेवाग्राहीहरू मर्कामा परेका छन्। कार्यालय प्रमुख गुप्ताले केही समयअघि नक्सालस्थित अख्तियार दुरुपयोग अनुसन्धान आयोगमा बयानका लागि पुगेको स्वीकार गरेका छन् तर हालसम्म मुद्दा–छानबिनको अवस्था सार्वजनिक भएको छैन्। यातायात प्रमुख गुप्तासँग प्रतिक्रिया लिन खोज्दा उनी सम्पर्कबिहिन भएका छन्।

प्रकाशित : साउन २४,२०८२ ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !

सम्बन्धित समाचार

एमालेकाे चार मन्त्रीले दिए राजीनामा, सरकार बाट समर्थन फिर्ता : JCNEPAL MEDIA

टिकटकको सस्तो साडीको लोभमा फस्दा जनकपुरका व्यक्तिको खाताबाट २ लाख गायब, दुई युवकविरुद्ध ठगी मुद्दा : JCNEPAL MEDIA

हँसपुरको नौवाखोर प्रसाहीमा भोली नैना हस्पिटलको पाठेघर सम्बन्धि निःशुल्क स्वास्थ्य शिविर हुँदै : JCNEPAL MEDIA

धनुषा २ मा नेपाली काँग्रेसको अधिवेशनमा विवाद , अधिवेशननै नगरी केन्द्रीय महाधिवेशन प्रतिनीधि, प्रसैला र गोहिबार भए फिर्ता : JCNEPAL MEDIA

आज देशका विभिन्न प्रदेशमा हल्कादेखि मध्यमसम्म वर्षा हुने : JCNEPAL MEDIA

रुससँगको सुरक्षा चिन्ता र बढ्दो महँगीबीच लात्भियामा संसदीय निर्वाचन : JCNEPAL MEDIA