पाकिस्तानमा ३० रुपैयाँका कारण झगडा हुँदा दुई दाईभाइको हत्या : JCNEPAL MEDIA

1 वर्ष पहिले

भाद्र ११,२०८२ / जेसी नेपाल संवाददाता

काठमाडौं : पाकिस्तानमा झगडा हुँदा दुई दाजुभाइको हत्या भएको छ। पाकिस्तानको रायविन्डमा भएको उक्त झगडामा दुई दाजुभाइ रशिद र वाजिदको हत्या भएको हो। हत्या कुनै पारिवारिक कलह वा लामो समयदेखि चलिरहेको विवादका कारण नभएको पाकिस्तान प्रहरीले जनाएको छ।

प्रहरी र परिवारले दुई दाजुभाइको हत्याको कारण ३० रुपैयाँ रहेको बताएका छन्। क्रिकेट ब्याटले टाउकोमा हिर्काएर उनीहरुको हत्या गरेको प्रहरीले जनाएको छ। रशिद र वाजिदका बुबा सईद इकबालले पाकिस्तानको रायविन्ड शहर प्रहरी चौकीमा मुद्दा दर्ता गरेका छन्। एफआईआरमा सईद इकबालले प्रहरीलाई बताएअनुसार रशिद र वाजिद दूध व्यापारी हुन्। अगस्ट २१ मा उनीहरु घर फर्किरहेका थिए। त्यसै क्रममा दुवै दाजुभाइ फलफूल किन्न लाग्दा फलफूल बेच्ने ओवैस र उनका भाइ तैमुरसँग झगडा भएको प्रहरीले जनाएको छ। सईद इकबालले ओवैस, तैमुर र उनीहरूका साथीले लाठी र क्रिकेट ब्याटले आक्रमण गरेर दुवैको मृत्यु भएको प्रहरीले जनाएको छ।

घटनाबारे अनुसन्धान गरिरहेका एसपी मोअज्जम अलीले मुद्दामा नाम उल्लेख गरिएका दुवै अभियुक्तलाई प्रहरीले पक्राउ गरेको बताए। उनले थप अनुसन्धानका लागि उनीहरुलाई अपराध नियन्त्रण विभाग (सीसीडी)मा पठाएको बताए। साजिदका अनुसार ओवैसले एक दर्जन केराको १३० रुपैयाँ मागेका थिए। रशिदले आफूसँग १०० रुपैयाँ र पाँच हजार रुपैयाँको ठूला नोट रहेको बताए। त्यसपछि ओवैसले रशिदलाई १०० रुपैयाँमा एक दर्जन केरा किन्न भनेका थिए। साजिदका अनुसार तैमुरलाई कम मूल्यमा केरा बेच्ने विचार मन परेन। उनले गालीगलौज गर्न थालेपछि रशिद र वाजिदले गालीगलौजको विरोध गरे।

रशिद र वाजिदका भाइले चर्को बहसपछि ओवैस र तैमुरले क्रिकेट ब्याट र लाठीले आक्रमण गरेर हत्या गरेको बताए। साजिदले त्यसबेला करिब २५० जना भएपछि लडाई रोक्ने मानवता कसैमा पनि नभएको बताए। सदर सर्कलका प्रहरी उपरीक्षक मोअज्जम अलीका अनुसार पहिले दुवै दाजुभाइले मिलेर फलफूल बेच्नेलाई कुटेका थिए। त्यसपछि फलफूल बेच्ने र नजिकैका विक्रेताहरूले दुवै दाजुभाइलाई कुटपिट गरेर हत्या गरेको प्रहरीले जनाएको छ।

प्रकाशित : भदौ ११,२०८१              ००:०० 

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

पत्रकार नियन्त्रणमा लिएपछि मध्यराति प्रहरीको स्पष्टीकरण : सही मनसायले बोलाएका हौं : JCNEPALMEDIA

मधेस सरकारमा एमालेको समर्थन गुमाएपछि मुख्यमन्त्री यादवका लागि बहुमत जुटाउनु चुनौतीपूर्ण : JCNEPALMEDIA

निर्वाचनको एक साता अघि डेमोक्र्याटिक सांसद द्वारा डोनाल्ड ट्रम्पमाथि बलात्कारको आरोप : JCNEPALMEDIA

रथी बढुवाका लागि थापाको नाम सिफारिस, प्रधानसेनापति हुने रोलक्रममा अघि : JCNEPALMEDIA

अदालतको आदेश विपरीत बढुवा सिफारिस गर्ने प्रदेश लोक सेवा आयोग अध्यक्ष गुरागाईँले दिए पदबाट राजीनामा : JCNEPALMEDIA

मधेश प्रदेशमा १६८ (३) अनुसार जसपाको सरकार बन्न सक्ने, सरोज यादव मुख्यमन्त्री बन्दा एमाले र जनमतको समर्थन रहने : JCNEPALMEDIA