जनकपुरका मेयर प्रत्याशी शिवशंकर साह (हिरा) बलात्कार आरोपमा पक्राउ : JCNEPAL MEDIA

10 महीना पहिले

मंशिर २३,२०८२/ जेसी नेपाल संवाददाता

१४ वर्षीया बालिकामाथि बलात्कार गरेको आरोपमा जनकपुरधाम उपमहानगरपालिकाका मेयरका प्रत्याशी शिवशंकर साह ‘हिरा’लाई प्रहरीले पक्राउ गरेको छ ।

दुई साताअघि जिल्ला प्रहरी कार्यालय धनुषामा दर्ता भएको उजुरीअनुसार हिरासहित चार जनामाथि होटेलमा बालिकालाई जबरजस्ती करणी गरेको आरोप छ । धनुषाका प्रहरी प्रवक्ता डीएसपी गणेश बमका अनुसार भारतबाट नेपाल प्रवेश गर्ने क्रममा हिरालाई नियन्त्रणमा लिइएको हो ।

उजुरीका आधारमा आवश्यक अनुसन्धान अघि बढाइरहेको उनले बताए । यसअघि घटनामा संलग्नताको आरोपमा हिराका दाइ पर्ने मनोज महतो पक्राउ परिसकेका छन् । बाँकी दुई जना फरार रहेको र उनीहरूको खोजी जारी रहेको प्रहरी कार्यालय धनुषाले जनाएको छ । हिरा २०७९ सालको स्थानीय तह चुनावमा नेकपा एमालेबाट जनकपुरधाम उपमहानगरपालिकाका मेयरका उम्मेदवार बनेका थिए र निकटतम प्रतिस्पर्धी समेत रहेका थिए।

आगामी चुनावमा उनी मेयर जित्ने प्रबल दाबी गरिँदै आएका बेला यस्तो गम्भीर आरोपमा पक्राउ परेका हुन् । हिरा जनकपुर उद्योग वाणिज्य संघका पूर्व अध्यक्ष पनि हुन् ।

प्रकाशित : मंशिर २३,२०८२ ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !

सम्बन्धित समाचार

टिकटकको सस्तो साडीको लोभमा फस्दा जनकपुरका व्यक्तिको खाताबाट २ लाख गायब, दुई युवकविरुद्ध ठगी मुद्दा : JCNEPAL MEDIA

हँसपुरको नौवाखोर प्रसाहीमा भोली नैना हस्पिटलको पाठेघर सम्बन्धि निःशुल्क स्वास्थ्य शिविर हुँदै : JCNEPAL MEDIA

धनुषा २ मा नेपाली काँग्रेसको अधिवेशनमा विवाद , अधिवेशननै नगरी केन्द्रीय महाधिवेशन प्रतिनीधि, प्रसैला र गोहिबार भए फिर्ता : JCNEPAL MEDIA

आज देशका विभिन्न प्रदेशमा हल्कादेखि मध्यमसम्म वर्षा हुने : JCNEPAL MEDIA

रुससँगको सुरक्षा चिन्ता र बढ्दो महँगीबीच लात्भियामा संसदीय निर्वाचन : JCNEPAL MEDIA

कांग्रेस महाधिवेशनमा प्रमुख अतिथिका लागि गगनले पठाए देउवालाई निम्तो : JCNEPAL MEDIA