रोशनी झा हत्या काण्डमा किटानीमा नाम रहेका दुई पक्राउ : JCNEPAL MEDIA

5 महीना पहिले

मंशिर २४,२०८२/ जेसी नेपाल संवाददाता

जनकपुरधामको रोशनी झा हत्याको काण्डमा पिडितद्वारा किटानी जाहेरी दिएका मध्ये थप दुई जनालाई धनुषा प्रहरीले आज पक्राउँ गरेको छ । पिडित परिवारको मागको आधारमा घटनाको नेपाल प्रहरीको सिआईवि अनुसन्धान थालेको केही घण्टामा नै जाहेरीमा आरोपित बनाईएका जनकपुरधामको वडा नंं ३ देवान पोखरी क्षेत्रमा वस्ने वर्ष ४५ को सच्चिन झा र नीजका छोरा वर्ष १५ को प्रतिक झालाई धनुषा प्रहरीले पक्राउँ गरेका जिल्ला प्रहरी कार्यालय धनुषाका प्रवक्ता प्रहरी नायव उपरीक्षणक गणेश बहादुर बलमे जानकारी दिनु भएको हो ।

यस अघि नै मृतक रोशनीका श्रीमान् प्रशान्त मिश्रलाई प्रहरीले पक्राउँ गरिसकेको छ । नेपाल प्रहरीमा किटानी जाहेरी दिएको एक सातापछि मात्र धनुषा प्रहरीले प्रशान्तका भिनाजु तथा भान्जालाई पक्राउँ गरेको छ । मृतक रोशनीका आमा वेवी देवी झा, दाई मनिष कुमार झा, मामी रजनी झा सहितकाले पत्रकार सम्मेलनको आयोजना गरेर सिआईविको अनुसन्धानको माग गरेका थिए । माग गरेको एक दिनपछि नै नेपाल प्रहरीको सिआईविले रोशनी घटनाको अनुसन्धान शुरु गरिसकेको छ । अहिले सिआईविले आफ्‌नै तरिकाले घटनाको सुक्ष्म अनुसन्धान थालेको छ । जनकपुरधाम उपमहानगरपालिका वडा नंं ४ कटैया चौरी घर भएका प्रशान्त मिश्रको श्रीमति रोशनी झाको मंसिर १२ गते विहिवारका राति भएको मृत्यु प्रकरण शंकास्पद मात्र नभई हत्या भएको रोशनीका माईतिपक्षले दावी गर्दै न्यायको माग सहित विभिन्न चरणको आन्दोलन गर्दै आएको छ ।

रोशनीका सशुराली पक्षले रोशनीको कागजपत्र जलाउनु, कहिले भर्याङ्गवाट लडेको र कहिले झुण्डिएको जस्ता अभिव्यक्ति दिने काम गर्नु नै मृत्यु प्रकरण संकास्पद रहेको बताउदै मृतक रोशनीका श्रीमान्‌ले पटक पटक दाईजोका नाममा रकम तथा सामान माग्दै आएको दावी गरेका छन् । मृतक रोशनीका श्रीमान् प्रशान्त मिश्र मधेश प्रदेशका नीति तथा योजना आयोगमा शाखा अधिकृतमा कार्यरत रहनु भएको छ । केही वर्ष अगाडी ९ लाख नगद सहित मागी विवाह गरेको र केटाको घर निर्माणका लागि पुनः १५ लाख रकम दिएको माईती पक्षले जनाउदै आएको छ । मृतक रोशनीका दुई नावालक सन्तानहरु रहेका छन् । महिला हिंसा विरुद्धको १६ दिने अभियान चलिरहेको वेलामा जनकपुरधाममा रोशनीको हत्या भपछि यसको चर्चा देश तथा विदेशमा भईरहेको छ ।

प्रकाशित : मंशिर २४,२०८२            ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

जनकपुरमा बालेन सरकारविरुद्ध सुकुम्बासीहरूले प्रदर्शन गर्दै गुठीको माँगे लालपूर्जा : JCNEPAL MEDIA

ललितपुर महानगरपालिकामा बुधबार सार्वजनिक बिदा : JCNEPAL MEDIA

पाठ्यपुस्तकमा व्यापक कालोबजारी, तर सरकार बने मुखदर्शक : JCNEPALMEDIA

करार शिक्षक तथा कर्मचारी नियुक्ति प्रक्रियामा सर्वोच्चको अन्तरिम आदेश : शहीदनगर नगरपालिका

जनकपुरमा किशोरीलाई बन्धक बनाएर ७ दिनसम्म बलात्कार, अवस्था चिन्ताजनक : JCNEPAL MEDIA

ई-बिडिङ ह्याकिङ ‘महाजाल, ठेक्कामा साइबर चलखेल,६ जना निर्माण व्यवसायी पक्राउ : JCNEPALMEDIA