महोत्तरीमा १४ बर्षिय बालिका बलात्कृत, गाउँमै ढाकछोप गरि मिलाउन खाेज्दा आरोपित पक्राउ : JCNEPAL MEDIA

11 महीना पहिले

मंशिर २८,२०८२/ जेसी नेपाल संवाददाता

बर्दिवास : महोत्तरीमा १४ बर्षिय बालिका बलात्कृत भएका छन । गाउँलेहरू गाउँमै ढाकछोप गरि मिलाउन खाेज्दा आरोपित पक्राउ परेका छन । महोत्तरीको बर्दिवास नगरपालिका–१२ मा १४ वर्षीया बालिकामाथि भएको जबरजस्ती करणीको घटना एक सातापछि सार्वजनिक भएको छ।

घटना बाहिर नआओस् भनेर पीडित परिवारमाथि निरन्तर धम्की, सामाजिक दबाब र पैसाको प्रलोभन दिइँदै आएका बेला प्रहरीले छलफल कार्यक्रमकै क्रममा आरोपितलाई पक्राउ गरेपछि मात्र विषय सतहमा आएको हो। पीडित बालिकाका अनुसार गत शुक्रबार विद्यालयबाट घर फर्केर किताब राखी नजिकैको खेतमा काम गर्न गएकी थिइन्। सोही क्रममा छिमेकी राजेन्द्र महतोले ‘माया गर्छु, पैसा दिन्छु’ भन्दै खेतमै जबरजस्ती करणी गरेका हुन्। बालिकाले प्रहरीसमक्ष दिएको बयानमा आरोपितले डर देखाउँदै यौनहिंसा गरेको उल्लेख छ। घटनाका बेला खेतमा मल लिएर पुगेकी पीडितकी आमाले छोरीको रोएको आवाज सुनेपछि हेर्न जाँदा आरोपित भागिसकेको र आफूले छोरीलाई घर ल्याएको बताइन्।

तर घटना त्यतिमै सकिएन। पीडित परिवारका अनुसार घटनाबारे कसैलाई बताए ‘सबैको इज्जत जान्छ’ भन्दै चुप बस्न दबाब दिइयो। पीडितकी आमाले भनिन्, “हल्ला गरिस् भने ज्यान मारिदिन्छु भनेर धम्की दिइयो। प्रहरीमा जाहेरी दिन खोज्दा पनि रोक्ने प्रयास भयो।” उनका अनुसार घटनाकै राति आरोपित पक्षका मानिसहरू घरमै आएर धम्की दिएका थिए। कहिले डर देखाइयो त कहिले आर्थिक प्रलोभन।

६ लाख रुपैयाँ दिएर गाउँमै घटना मिलाउन दबाब दिइएको पीडित परिवारको भनाइ छ। बाटो छेकेर छलफलमा राखियो, सहमति गर्न बाध्य पारियो ; पीडितकी आमाले भनिन्। बिहीबार दिउँसो करिब २ बजे २०–२५ जनाले घेरेर पीडित परिवारलाई सहमति गर्न दबाब दिइरहेका बेला इलाका प्रहरी कार्यालय बर्दिवासको टोलीले हस्तक्षेप गर्दै बर्दिवास–१२ का राजेन्द्र महतोलाई नियन्त्रणमा लिएको हो। प्रहरीका अनुसार पीडितले दिएको जाहेरीका आधारमा महतोलाई शुक्रबार तीन दिनको म्याद थप गरी हिरासतमा राखिएको छ। घटनाबारे थप अनुसन्धान भइरहेको महोत्तरी प्रहरीले जनाएको छ।

प्रकाशित : मंशिर २८,२०८२              ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

पत्रकार नियन्त्रणमा लिएपछि मध्यराति प्रहरीको स्पष्टीकरण : सही मनसायले बोलाएका हौं : JCNEPALMEDIA

मधेस सरकारमा एमालेको समर्थन गुमाएपछि मुख्यमन्त्री यादवका लागि बहुमत जुटाउनु चुनौतीपूर्ण : JCNEPALMEDIA

निर्वाचनको एक साता अघि डेमोक्र्याटिक सांसद द्वारा डोनाल्ड ट्रम्पमाथि बलात्कारको आरोप : JCNEPALMEDIA

रथी बढुवाका लागि थापाको नाम सिफारिस, प्रधानसेनापति हुने रोलक्रममा अघि : JCNEPALMEDIA

अदालतको आदेश विपरीत बढुवा सिफारिस गर्ने प्रदेश लोक सेवा आयोग अध्यक्ष गुरागाईँले दिए पदबाट राजीनामा : JCNEPALMEDIA

मधेश प्रदेशमा १६८ (३) अनुसार जसपाको सरकार बन्न सक्ने, सरोज यादव मुख्यमन्त्री बन्दा एमाले र जनमतको समर्थन रहने : JCNEPALMEDIA