TikTok मा हालेको भिडियोका कारण धनुषामा दुई समुदायबीच तनाव, मस्जिदमा तोडफोड JCNEPALMEDIA

9 महीना पहिले

पुस २०,२०८२/ जेसी नेपाल मिडिया

जनकपुरधाम : धनुषाको कमला नगरपालिकास्थित हिन्दु र मुस्लिम समुदायबीच तनाब भएको छ । शनिबार दुई समुदायबीच तनाव बढेपछि तोडफोड र आगजनी समेत भएको छ ।

कमला नगरपालिका वडा नं. ६ सखुवा मडानस्थित मुस्लिम पक्षका केही युवकले टिकटकमा हिन्दु र हिन्दुधर्मप्रति अभद्र टिप्पणीसहितको भिडियो बनाएपछि तनाव उत्पन्न भएको हो । केही दिन अगाडी मुस्लिम समुदायका हैदर अन्सारी र अमानत अन्सारी नामक युवकले टिकटकमा हिन्दुस्तानको नाम लिएर रक्षा बन्धन, हिन्दु परम्परालाई अभद्र तरिकाले दर्साउने भिडियो बनाएका थिए । सोही लगत्तै हिन्दु पक्ष र मुस्लिमका अगुवाहरुले दुवै जनालाई प्रहरीलार्ई जिम्मा लगायो । ईलाका प्रहरी कार्यालय खजुरीमा दुवै पक्षबीच पँचायत भईरहँदा पक्राउ गरिएको भन्दै केही मुस्लिम पक्षका व्यक्तिले कराउन थालेपछि हिन्दु पक्षले मस्जिदमा तोडफोड गरेको वडा नं. ६ का वडाध्यक्ष समसुल मियाँका छोरा अकबर अन्सारीले बताए । उनले अमानत अन्सारी र हैदर अन्सारीले समाजिक सँजालमा भिडियो हालेपछि विवाद उत्पन्न भएको बताए ।

सो लगत्तै मुस्लिम पक्षबाट हैदर अन्सारी र अमानत अन्सारीले हिन्दुस्तानको नाम जोडेर रक्षा बन्धन, हिन्दु परम्परालाई अभद्र देखाउने गरी भिडियो बनाएपछि तनाव भएको हो । हैदर र अमानले भिडियो बनाएपछि हिन्दु पक्षले कारवाहीको माग गरेका थिए । उनीहरुलाई पक्राउ गर्न प्रहरी आएपछि दुई समुदायबीच तनाव भयो । हिन्दु पक्षले नजिकै रहेको मस्जिदमा पसेर तोडफोड र कुरान जलाएको हो । स्थानीय सँतोष यादवका अनुसार, हैदर र अमानतले हिन्दुहरुको पर्वमा हिन्दु युवति, किशोरीहरुलाई जिस्काउने, अभद्र टिकाटिप्पणी गर्न थालेपछि घटना भएको दाबी गर्छन् भने सोही ठाउँ बस्ने जसपा नेपालसँग आवद्ध स्थानीय युवा ईसराफिल अन्सारीले स्थानीय गणेश साहका छोरा राजन साह लगायतका युवकहरुले पहिले भिडियो बनाएपछि तनाव भएको दाबी गरे ।

अन्सारीका अनुसार, अमानत र हैदर दोषी देखिए कारवाही हुनुपर्छ भन्ने आफू पक्षमा रहेपनि हिन्दु समुदायका केही व्यक्तिहरुले घटनासँग सम्बन्धित नै नरहेको मस्जिदमा तोडफोड र मुस्लिम समुदायको ग्रन्थ कुरान जलाउनु अनुचित रहेको बताए । यता, जिल्ला प्रहरी कार्यालय धनुषाका प्रहरी प्रवक्ता गणेश बमका अनुसार भिडियो नै झगडाको मुख्य विषय रहेको बताए । भिडियो हालेपछि तनाव उत्पन्न भएको बताउँदै सो प्रकरणमा तीन जनालाई पक्राउ गरिएको बताए । पक्राउ पर्नेहरुमा हैदर अन्सारी, अमानत अन्सारी र कपिल साह रहेका छन् । उनीहरुमाथि कानुन बमोजिम कारवाही प्रक्रिया थाल्ने बताए ।

प्रकाशित : पुस २०,२०८२ ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !

सम्बन्धित समाचार

टिकटकको सस्तो साडीको लोभमा फस्दा जनकपुरका व्यक्तिको खाताबाट २ लाख गायब, दुई युवकविरुद्ध ठगी मुद्दा : JCNEPAL MEDIA

हँसपुरको नौवाखोर प्रसाहीमा भोली नैना हस्पिटलको पाठेघर सम्बन्धि निःशुल्क स्वास्थ्य शिविर हुँदै : JCNEPAL MEDIA

धनुषा २ मा नेपाली काँग्रेसको अधिवेशनमा विवाद , अधिवेशननै नगरी केन्द्रीय महाधिवेशन प्रतिनीधि, प्रसैला र गोहिबार भए फिर्ता : JCNEPAL MEDIA

आज देशका विभिन्न प्रदेशमा हल्कादेखि मध्यमसम्म वर्षा हुने : JCNEPAL MEDIA

रुससँगको सुरक्षा चिन्ता र बढ्दो महँगीबीच लात्भियामा संसदीय निर्वाचन : JCNEPAL MEDIA

कांग्रेस महाधिवेशनमा प्रमुख अतिथिका लागि गगनले पठाए देउवालाई निम्तो : JCNEPAL MEDIA