पर्सामा श्रोत नखुलेको १० लाख बढी रकमसहित तीन जना पक्राउ : JCNEPALMEDIA

9 महीना पहिले

पुस २०,२०८२/ जेसी नेपाल संवाददाता

वीरगंज : पर्सा प्रहरीले श्रोत नखुलेको १० लाख २ हजार १० रुपैयाँ रकमसहित तीन जनालाई प्रहरीले पक्राउ गरेको छ । विशेष सूचनाको आधारमा जिल्ला प्रहरी कार्यालय पर्साबाट खटिएको प्रहरी टोलीले जगरनाथपुर गाउँपालिका–३ गडैयाटोलस्थित सडकखण्डबाट हुन्डी कारोबारमा संलग्न रहेको आरोपमा उनीहरूलाई नियन्त्रणमा लिएको हो ।

पक्राउ पर्नेहरूमा सखुवा प्रसौनी गाउँपालिका–४ देवरवाना निवासी २२ वर्षीय पवन कुमार साह, ३० वर्षीय मुस्ताक अन्सारी, ९ वर्षीय रामपुकार पासवान रहेका छन् । प्रहरीले उनीहरूको साथबाट दश लाख दुई हजार दश रुपैयाँ नगद तथा ना. १६ प ३०२० नम्बरको मोटरसाइकल बरामद गरेको जनाएको छ ।

नियन्त्रणमा लिइएका व्यक्तिहरूविरुद्ध मुलुकी अपराध संहिता, २०७४ को दफा १२५ क अनुसार ‘हुन्डी सम्बन्धी कारोबार गर्न नहुने’ कसुरमा मुद्दा दर्ता गरिएको छ । पर्सा जिल्ला अदालतबाट ७ दिनको म्याद थप अनुमति लिई थप अनुसन्धान कार्य भइरहेको पर्सा प्रहरीका प्रमुख प्रहरी उपरीक्षक (एसपी) सुदीप राज पाठकले जनाएका छन् ।

प्रहरीका अनुसार बरामद रकमको स्रोत खुल्न नसकेपछि हुन्डी कारोबारको आशङ्कामा पक्राउ गरी आवश्यक कानुनी प्रक्रिया अगाडि बढाइएको हो ।

प्रकाशित : पुस २०,२०८२ ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !

सम्बन्धित समाचार

टिकटकको सस्तो साडीको लोभमा फस्दा जनकपुरका व्यक्तिको खाताबाट २ लाख गायब, दुई युवकविरुद्ध ठगी मुद्दा : JCNEPAL MEDIA

हँसपुरको नौवाखोर प्रसाहीमा भोली नैना हस्पिटलको पाठेघर सम्बन्धि निःशुल्क स्वास्थ्य शिविर हुँदै : JCNEPAL MEDIA

धनुषा २ मा नेपाली काँग्रेसको अधिवेशनमा विवाद , अधिवेशननै नगरी केन्द्रीय महाधिवेशन प्रतिनीधि, प्रसैला र गोहिबार भए फिर्ता : JCNEPAL MEDIA

आज देशका विभिन्न प्रदेशमा हल्कादेखि मध्यमसम्म वर्षा हुने : JCNEPAL MEDIA

रुससँगको सुरक्षा चिन्ता र बढ्दो महँगीबीच लात्भियामा संसदीय निर्वाचन : JCNEPAL MEDIA

कांग्रेस महाधिवेशनमा प्रमुख अतिथिका लागि गगनले पठाए देउवालाई निम्तो : JCNEPAL MEDIA