धनुषाकाे कार्यसम्पादन मूल्याङ्कनमा \'जनकपुर उपमहानगरपालिका\' पहिला : JCNEPALMEDIA

4 महीना पहिले

फाल्गुन०४,२०८२ / जेसी नेपाल संवाददाता

जनकपुरधाम : राष्ट्रिय प्राकृतिक स्रोत तथा वित्त आयोगले सार्वजनिक गरेको स्थानीय तहहरूको कार्यसम्पादन मूल्याङ्कनमा धनुषा जिल्लामा जनकपुरधाम उपमहानगरपालिका पहिलो स्थानमा परेको छ।

आयोगका अनुसार जनकपुरधामले ५१.५८ अंक प्राप्त गर्दै जिल्लाका १८ स्थानीय तहमध्ये अग्रस्थान हासिल गरेको हो। गाउँपालिकातर्फ लक्ष्मीनियाँ गाउँपालिका ४९.२ अंकसहित दोस्रो स्थानमा रहँदा बटेश्वर गाउँपालिकाले ४७.८८ अंक प्राप्त गरेको छ। नगरपालिकामध्ये गणेशमान चारनाथ नगरपालिका ४७.९० अंकसहित उत्कृष्ट देखिएको छ। त्यसैगरी विदेह नगरपालिका ४६.२७, शहीदनगर ४२.२५, क्षिरेश्वरनाथ ३९.८५, धनुषाधाम ३९.२२, कमला नगरपालिका ३८.७४, मिथिला बिहारी ३८.१५, मिथिला नगरपालिका ३७.४५, हंसपुर ३५.७६, नगराइन ३५ तथा सबैला नगरपालिका ३४ अंकसहित क्रमशः रहेका छन्।

गाउँपालिकातर्फ जनकनन्दिनी गाउँपालिकाले ४५.९३, मुखियापट्टी मुसहरनिया ४५ तथा औरही गाउँपालिकाले ४०.३४ अंक प्राप्त गरेका छन्। धनौजी गाउँपालिका भने ३२.८१ अंकसहित जिल्लाकै कमजोर कार्यसम्पादन गर्ने स्थानीय तह बनेको छ। आयोगले वित्तीय व्यवस्थापन, सेवा प्रवाह, योजना कार्यान्वयनलगायत विभिन्न सूचकका आधारमा स्थानीय तहहरूको कार्यसम्पादन मूल्याङ्कन गरी नतिजा सार्वजनिक गरेको जनाएको छ।

प्रकाशित : फाल्गुन ०४,२०८२             ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

परराष्ट्र मन्त्री खनाल र विदेशमन्त्री वाङबीच द्विपक्षीय वार्ता : JCNEPALMEDIA

मधेस प्रदेशका अर्थमन्त्रीले वाचन गरेको बजेट र मन्त्रालयगत बजेटमा ८ अर्ब भन्दा बढीको फरक : JCNEPALMEDIA

सिंहदरबारमा अब छड्के सचिव, सचिव र सह–सचिव असन्तुष्ट : JCNEPALMEDIA

हवाई फायर गरेर ठूलो परिमाणमा लागूऔषधसहित तीन जना पक्राउ : JCNEPALMEDIA

कसमिरमा सेनाले गाेलि चलायाे ,४६ जनाकाे मृत्यु : JCNEPALMEDIA

चोरीको मुद्दामा पक्राउ परेका युवकको प्रहरी हिरासतमा मृत्यु : JCNEPALMEDIA