आउदो साउन देखि नगरपालिका बाटै नापी र मालपोत सेवा दिने : JCNEPALMEDIA

3 महीना पहिले

बैशाख ०९,२०८३ / जेसी नेपाल संवाददाता

संघीय सरकारले आगामी साउन १ गतेदेखि देशभरका २९२ महानगर, उपमहानगर र नगरपालिकाबाट नापी तथा मालपोत सेवा सुरु गर्ने तयारी गरेको छ। नागरिकलाई घरनजिकै सेवा उपलब्ध गराउने उद्देश्यले यस्तो व्यवस्था गर्न लागिएको हो।

भूमि व्यवस्था, सहकारी तथा गरिबी निवारण मन्त्रालयले सहसचिव गणेशप्रसाद भट्टको नेतृत्वमा गठन गरेको ९ सदस्यीय समितिले आवश्यक अध्ययन तथा तयारी अघि बढाएको छ। समितिले नापी र मालपोतसम्बन्धी सेवा स्थानीय तहमा कसरी हस्तान्तरण गर्ने भन्नेबारे प्रतिवेदन तयार पार्ने अन्तिम चरणमा पुगेको जनाएको छ। प्रतिवेदन वैशाख १५ भित्र मन्त्रिपरिषद्मा पेश गरिनेछ। सरकारको योजना अनुसार जग्गा कित्ताकाट, अंशबण्डा, रोक्का राख्ने तथा फुकुवा गर्ने जस्ता अधिकांश सेवा अब नगरपालिकाबाटै हुनेछन्।

तर मोही बाडफाँट र नयाँ दर्ता भने हाललाई जिल्ला स्तरमै रहनेछन्, किनकि त्यसका लागि कानुनी जटिलता रहेको जनाइएको छ। नयाँ व्यवस्थाअनुसार स्थानीय तहकै जनशक्तिलाई तालिम दिएर सेवा सञ्चालन गरिनेछ भने आवश्यक परे केन्द्रबाट कर्मचारी पठाइनेछ। नापी र मालपोतसम्बन्धी एकीकृत कानुन बनाउने तयारी पनि मन्त्रालयले अघि बढाएको छ, जसले तीन तहका सरकारबीच जिम्मेवारी स्पष्ट गर्नेछ। हाल जिल्लामा रहेका कार्यालय तत्काल हटाइने छैनन्।

तर, सेवाहरू क्रमशः स्थानीय तहमा सर्नेछन्। मन्त्रालयका अनुसार यसले सेवाग्राहीलाई सदरमुकाम धाउनुपर्ने बाध्यता अन्त्य गर्नेछ र सेवा प्रवाह थप सहज तथा छरितो हुनेछ। नापी र मालपोत प्रणालीलाई एकीकृत गर्न ‘एपीआई’ विकास गर्ने काम पनि भइरहेको छ। यसले डिजिटल प्रणालीबीच समन्वय गरी सेवा प्रभावकारी बनाउने अपेक्षा गरिएको छ।

प्रकाशित : बैशाख ०९,२०८३        ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

इन्जिनियर शैलेन्द्र कुमार चौधरीसँग २ करोड बढी अवैध सम्पत्ति, पत्नीसहितविरुद्ध मुद्दा : JCNEPALMEDIA

धनुषा महेन्द्रनगर ईप्रकाकाे ठूलो खुलासा, आयुष चार्जिङ स्टेसनको सञ्चालक नागेन्द्र मण्डलले गरेकाे जबर्जस्ती करणी मुद्दा मिलाउने प्रयासकाे आरोप : JCNEPALMEDIA

जब बिर्तामोडको आकाशमा एकाएक ‘चन्द्रयान’ र ‘रकेट’ उडे : JCNEPALMEDIA

कश्मीर (POK) को रावलकोटमा गोली चल्दा १४ जनाको मृत्यु भएको दाबी : JCNEPALMEDIA

कर्णाली प्रदेशको मुख्यमन्त्रीमा नेकपाका मंगल शाही नियुक्त : JCNEPALMEDIA

म्यादी प्रहरीको पोसाक खरिद प्रकरण, आईजीपीसहित उच्च प्रहरी अधिकारीमाथि अख्तियारको अनुसन्धान : JCNEPALMEDIA