न्यायाधीशहरूलाई डर र भयमुक्त भई न्याय सम्पादन गर्न सपना प्रधान मल्लले गरे आग्रह

3 महीना पहिले

बैशाख २६,२०८३ / जेसी नेपाल संवाददाता

काठमाडौं : कायम मुकायम प्रधानन्यायाधीश Sapana Pradhan Malla ले न्याय क्षेत्रमा डर, दबाब र प्रभावको अन्त्य हुनुपर्ने बताउँदै सम्पूर्ण न्यायाधीश तथा न्यायकर्मीलाई निर्भीक भएर न्याय सम्पादन गर्न आग्रह गर्नुभएको छ।

एक कार्यक्रममा सम्बोधन गर्दै उहाँ भावुक हुँदै भन्नुभयो, “सबै न्यायाधीशहरूलाई भन्न चाहन्छु, डर र प्रभावमा न्याय सम्भव छैन। चाहे त्यो दुईतिहाइ सरकारको डर नै किन नहोस् वा महाअभियोगको भय। डर र भयबाट मुक्त भई अदम्य साहसका साथ अघि बढ्न सबै न्यायाकर्मीलाई आह्वान गर्दछु।”

उहाँले न्यायपालिका स्वतन्त्र, निष्पक्ष र जनविश्वासको केन्द्र बन्नुपर्ने उल्लेख गर्दै न्यायाधीशहरूले कुनै पनि राजनीतिक दबाब वा व्यक्तिगत स्वार्थभन्दा माथि उठेर संविधान र कानुनअनुसार निर्णय गर्नुपर्ने धारणा राख्नुभयो। कायम मुकायम प्रधानन्यायाधीश मल्लाले आफ्नो जीवन संघर्षपूर्ण रहेको स्मरण गर्दै विभेद, असमानता र अन्यायविरुद्ध निरन्तर लड्दै आएको बताउनुभयो।

“म आफैँ जीवनभर विभेद र अन्यायको लडाइँ लडेँ र लडाइँ अझै बाँकी नै छ,” उहाँले भावुक हुँदै भन्नुभयो। उहाँको अभिव्यक्तिलाई न्यायपालिकाको स्वतन्त्रता, साहस र निष्पक्षताप्रतिको सशक्त सन्देशका रूपमा हेरिएको छ।

प्रकाशित : बैशाख २४,२०८३               ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

इन्जिनियर शैलेन्द्र कुमार चौधरीसँग २ करोड बढी अवैध सम्पत्ति, पत्नीसहितविरुद्ध मुद्दा : JCNEPALMEDIA

धनुषा महेन्द्रनगर ईप्रकाकाे ठूलो खुलासा, आयुष चार्जिङ स्टेसनको सञ्चालक नागेन्द्र मण्डलले गरेकाे जबर्जस्ती करणी मुद्दा मिलाउने प्रयासकाे आरोप : JCNEPALMEDIA

जब बिर्तामोडको आकाशमा एकाएक ‘चन्द्रयान’ र ‘रकेट’ उडे : JCNEPALMEDIA

कश्मीर (POK) को रावलकोटमा गोली चल्दा १४ जनाको मृत्यु भएको दाबी : JCNEPALMEDIA

कर्णाली प्रदेशको मुख्यमन्त्रीमा नेकपाका मंगल शाही नियुक्त : JCNEPALMEDIA

म्यादी प्रहरीको पोसाक खरिद प्रकरण, आईजीपीसहित उच्च प्रहरी अधिकारीमाथि अख्तियारको अनुसन्धान : JCNEPALMEDIA