रवि लामिछाने सहित १७ साँसदमाथि छानबिन गर्न आयोगको सिफारिस : JCNEPAL MEDIA

4 महीना पहिले

जेष्ठ १३,२०८३ / जेसी नेपाल संवाददाता

राष्ट्रिय मानवअधिकार आयोगले रवि लामिछाने सहित राष्ट्रिय स्वतन्त्र पार्टी (रास्वपा) का १७ जना सांसदमाथि भदौ २३ र २४ गते भएका घटनाबारे अनुसन्धान गर्न सिफारिस गरेको छ ।

आयोगले बुधबार सार्वजनिक गरेको प्रतिवेदनमा रास्वपा सभापति लामिछाने नख्खु कारागारबाट निस्कँदा कैदीबन्दी बाहिर पठाउन संलग्नता रहेको किटान गर्दै उनीमाथि ‘सूक्ष्म अनुसन्धान’ गर्नुपर्ने उल्लेख गरिएको छ । सोही घटनामा रास्वपा प्रवक्ता मनिष झा र नेता हरि ढकाल माथि पनि अनुसन्धान गर्न आयोगले सिफारिस गरेको छ ।

आयोगले रास्वपाका सांसदहरू सुधन गुरुङ, दीपक बोहरा, गणेश कार्की, सुलभ खरेल, शिव यादव, बब्लु गुप्ता, कृष्णकुमार कार्की, डा. तोसिमा कार्की, राजीव खत्री, केपी खनाल, आशिका तामाङ, ज्वाला संग्रौला, सोम शर्मा र पुरुषोत्तम यादवलाई पनि अनुसन्धानको दायरामा ल्याउन सिफारिस गरेको छ । त्यसैगरी रास्वपाका केन्द्रीय सदस्य खेमराज साउद तथा बाजुराबाट पार्टीका उम्मेदवार बनेका हेमराज थापामाथि समेत अनुसन्धान गर्नुपर्ने आयोगको निष्कर्ष छ । प्रतिवेदनमा प्रदर्शनअघि, प्रदर्शन भइरहेका बेला तथा त्यसपछिका सार्वजनिक अभिव्यक्तिहरूलाई आधार बनाइएको उल्लेख छ ।

राष्ट्रिय अनुसन्धान विभागबाट संकलित सूचना, सामाजिक सञ्जालमा आएका सामग्री तथा प्रकाशित समाचारका आधारमा उनीहरूको भूमिकामाथि अनुसन्धान आवश्यक देखिएको आयोगको भनाइ छ । ‘उनीहरूको अभिव्यक्तिले प्रदर्शनलाई उत्तेजित बनाउन भूमिका खेलेको भन्ने विभिन्न कोणबाट टिप्पणी देखिएकाले २३ र २४ भदौका घटनामा भएको मानवीय तथा भौतिक क्षतिमा उनीहरूको संलग्नता रहेरनरहेको तथा सार्वजनिक शान्ति र सुव्यवस्थामा असर पुगेरनपुगेको विषयमा अनुसन्धान हुन आवश्यक देखिन्छ,’ प्रतिवेदनमा उल्लेख छ ।

आयोगले भदौ २३ गतेको प्रदर्शनका क्रममा भएको दमन तथा त्यसको भोलिपल्ट विकसित घटनाक्रमबारे छानबिन गरी प्रतिवेदन सार्वजनिक गरेको हो । आयोगकी सदस्य लिली थापा को संयोजकत्वमा गठित समितिले मानवअधिकार उल्लंघनका विषयमा अध्ययन तथा अनुसन्धान गरेको थियो ।

प्रकाशित : जेष्ठ १३,२०८३            ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

बर्दिवासस्थित नापी कार्यालयका सर्वेक्षक शिवकुमार १ लाख रुपैयाँ घुस लिँइदै गर्दा पक्राउ : JCNEPALMEDIA

ढल्केवरमा तिजकै दिन महिला आफ्नै घरमा मृत फेला, प्रहरी नियन्त्रणमा श्रीमान् : JCNEPALMEDIA

दुई छोरीकी आमाले गरेकी थिइन् धनुषाका सिद्धान्तको ‘अपहरण´,११ दिनपछि सकुशल उद्धार : JCNEPALMEDIA

कोशी, बागमती र गण्डकी प्रदेशमा भारी वर्षाको सम्भावना : JCNEPALMEDIA

भन्सार छलेर ल्याइएका ११ लाखका लत्ताकपडा बरामद : JCNEPALMEDIA

चार प्रदेशमा भारी वर्षाको पूर्वानुमान : JCNEPALMEDIA