टिकटकर तुलसा अधिकारीलाई हत्कडीसहित पुर्याए अदालत : JCNEPALMEDIA

16 घन्टा पहिले

जेष्ठ २१,२०८३ / जेसी नेपाल संवाददाता

काठमाडौं : तुलसा कलेक्सन भनेर चिनिने टिकटकर तुलसी अधिकारीलाई थुनछेक बहसका लागि जिल्ला अदालत ललितपुर पुर्‍याइएको छ । न्यायाधीशले उनलाई थुनामा राखेरै अनुसन्धान गर्ने वा धरौटीमा छोड्ने निर्णय लिनेछन् ।

अधिकारीको बयानपछि जिल्ला अदालतका न्यायाधीश टेकनाथ गौतमको इजलासमा हिजोबाट थुनछेक बहस सुरू भएको हो । हिजो बहस नसकिएकाले तुलसालाई हिरासतमै पठाएर आज पनि सोही इजलासमा सुनवाइ गरिँदैछ । तुलसालाई प्रहरीको भ्यानमा राखेर अदालत पुर्‍याइँदा उनले अनुहारमा मास्क लगाएकी थिइन् । प्रहरीवृत्त सातदोबाटोको थुनुवा पोशाक तथा हातमा हत्कडी लगाइएको थियो । तुलसाले कपाल भने आकर्षक तरिकाले बाटेकी थिइन् । आज सरकारी वकिलको तर्फबाट बहस हुने छ भने त्यसपछि प्रतिवादी अधिकारीका कानून व्यवसायीले बहस गर्ने छन् । आज बहस सकियो भने थुनछेक आदेश आउने छ ।

तुलसाविरुद्ध आपराधिक लाभ (एक्सटर्सन), संगठित अपराध र सम्पत्ति शुद्धीकरण (मनि लाउण्डरिङ) समेतको कसुरमा मुद्दा चलेको हो । एक व्यवसायीको जाहेरीका आधारमा जिल्ला सरकारी वकिल कार्यालय ललितपुरले उनीविरूद्ध गत चैतमा ६ करोड ५२ लाख २९ हजार बिगो कायम गरी मुद्दा दायर गरेको थियो ।तुलसाको २१ करोडको सम्पत्ति खुलेको छैन ।

२०८२ भदौदेखि फरार भएकू तुलसा चीन हुँदै थाइल्यान्ड पुगेपछि शुक्रबार अन्तर्राष्ट्रिय प्रहरी सञ्जाल इन्टरपोलको सहयोगमा पक्राउ परेकी हुन् । उनलाई शनिबार बेलुका काठमाडौं ल्याइएको थियो । तुलसाले आफूमाथि लगाइएका आरोप अस्वीकार गरिरहेकी छन् ।

प्रकाशित : जेष्ठ २१, २०८३         ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

शुल्क विवादको बहानामा प्रहरी हिरासतभित्र इप्रका प्रमुखले गरे कुटपिट : सर्लाही JCNEPALMEDIA

सीमाबाट भित्रियो लाखौंको तस्करी सामान ,तस्करहरू फरार : कैलाली JCNEPALMEDIA

जानकी मेडिकल कलेजका अध्यक्ष ओमप्रसाद ( ओपी) पाण्डे पक्राउ : JCNEPALMEDIA

मधेश प्रदेश सभाका विद्यायक सरोजकुमार सिंह कुशवाहा घुसकाण्डमा दोषी ठहर, ४ वर्ष १ महिना कैद सजाय : JCNEPALMEDIA

वीरेन्द्रनगरको एक पसलमा प्रहरीको छापा, ठूलो परिमाणमा सुन र नगद फेला

महोत्तरीकाे बलात्कार घटनामा १० वर्षीय बालक दोषी ठहर, अदालतले सुनायो ६ महिना जेल,७ लाख जरीवाना : JCNEPALMEDIA