युवतीलाई बिजुलीको पोलमा बाँधेर मोसो दल्ने चार जना पक्राउ : झापा JCNEPALMEDIA

5 महीना पहिले

जेष्ठ ३०,२०८३ / जेसी नेपाल संवाददाता

झापाको बिर्तामोडमा पुरानो रिसिइबीका कारण एक युवतीलाई बिजुलीको पोलमा बाँधेर मोसो दल्ने चार जनालाई प्रहरीले पक्राउ गरेको छ। बिर्तामोड नगरपालिका-२ चारपानेस्थित राजगढ जाने बाटोमा २१ वर्षीया युवतीलाई स्थानीय केही व्यक्तिले दुर्व्यवहार गरेका थिए।

उनीहअले मोसो दलेको प्रहरीले जनाएको छ। शुक्रबार साँझ साढे ६ बजेतिर घटना भएको खबर पाएपछि इलाका प्रहरी कार्यालय, अनारमनीको टोली खटिएको थियो। प्रहरी टोलीले पीडितको उद्धार गरेको छ। यसमा संलग्न चार जनालाई पक्राउ गरिएको प्रहरीले जनाएको छ।

पक्राउ पर्नेहरूमा झापाकै कनकाई नगरपालिका-८ का १८ वर्षीय समिर मर्डी, २० वर्षीया सबिना मुर्मु, २५ वर्षीया स्वस्तिका मुर्मु र १९ वर्षीया पूजा बस्नेत छन्। उनीहरूको साथबाट घटनामा प्रयोग गरिएको मोबिलको बट्टा र विभिन्न १६ वटा पम्पलेट पनि नियन्त्रणमा लिइएको प्रहरीले जनाएको छ। ​पीडित युवतीको अहिले बिर्तासिटी अस्पतालमा उपचार भइरहेको छ। उनको अवस्था सामान्य रहेको प्रहरीले जनाएको छ।

नियन्त्रणमा लिइएका चारै जनालाई इलाका प्रहरी कार्यालय, अनारमनीको हिरासतमा राखिएको छ। घटनाको थप अनुसन्धान भइरहेको प्रहरीले जनाएको छ।

प्रकाशित : जेष्ठ ३०,२०८३        ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

पत्रकार नियन्त्रणमा लिएपछि मध्यराति प्रहरीको स्पष्टीकरण : सही मनसायले बोलाएका हौं : JCNEPALMEDIA

मधेस सरकारमा एमालेको समर्थन गुमाएपछि मुख्यमन्त्री यादवका लागि बहुमत जुटाउनु चुनौतीपूर्ण : JCNEPALMEDIA

निर्वाचनको एक साता अघि डेमोक्र्याटिक सांसद द्वारा डोनाल्ड ट्रम्पमाथि बलात्कारको आरोप : JCNEPALMEDIA

रथी बढुवाका लागि थापाको नाम सिफारिस, प्रधानसेनापति हुने रोलक्रममा अघि : JCNEPALMEDIA

अदालतको आदेश विपरीत बढुवा सिफारिस गर्ने प्रदेश लोक सेवा आयोग अध्यक्ष गुरागाईँले दिए पदबाट राजीनामा : JCNEPALMEDIA

मधेश प्रदेशमा १६८ (३) अनुसार जसपाको सरकार बन्न सक्ने, सरोज यादव मुख्यमन्त्री बन्दा एमाले र जनमतको समर्थन रहने : JCNEPALMEDIA