रास्वपा उपसभापतिमा स्वर्णिम वाग्ले निर्विरोध, अरु पदाधिकारीको लागि चुनाव हुने : JCNEPALMEDIA

15 घन्टा पहिले

असार १२,२०८३ / जेसी नेपाल संवाददाता

चितवन : रास्वपाको उपसभापतिमा स्वर्णिम वाग्ले निर्विरोध निर्वाचित हुनुभएको छ । चितवनमा भैरहेको महाधिवेशनमा उपसभापति पदका लागि वाग्लेको मात्र उम्मेदवारी परेपछि उहाँ निर्विरोध निर्वाचित भएका हुन् ।

नेता विराजभक्त श्रेष्ठले उपसभापतिमा आफ्नो दावी छाडेर वाग्लेलाई सघाउनुभएको हो । अर्को महिला उपसभापति पदमा भने चुनाव हुने भएको छ । एक पदका लागि इन्दिरा रानामगर, सोविता गौतम, समीक्षा बाँस्कोटा, लिमा अधिकारी र डा. तोसिमा कार्कीले दावी गरेका छन् । केन्द्रीय सदस्यको नतिजा राति सार्वजनिक भए पनि पदाधिकारीको लागि अझै उम्मेदवारको प्रारम्भिक सूची सार्वजनिक हुन बाँकी छ ।

दोस्रो चरणको चुनावी कार्यक्रम अन्तर्गत बिहान १ बजे उम्मेदवारको प्रारम्भिक सूची गर्ने कार्यतालिका भए पनि ढिलाइ भएको छ । प्रारम्भिक सूची सार्वजनिकपछि त्यसमा दाबी विरोध र अन्तिम सूची निकालेपछि विद्युतीय मेसिनमा नाम इन्ट्री गराएपछि मतदान शुरू हुनेछ ।

उपसभापतिमा वाग्लेको मात्रै उम्मेदवारी परेपछि अब एक महिला उपसभापति, एक महामन्त्री (खुला), दुई सहमहामन्त्री (खुला) र एक महिला सहमहामन्त्रीमा चुनाव हुनेछ । महामन्त्री पदका लागि शिशिर खनालले दावी फिर्ता लिनुभएको छ भने मनीष झा, विपिन आचार्य, कबिन्द्र बुर्लाकोटी, रन्जु दर्शना, गणेश पराजुली, सागर ढकाल, गणेश कार्की र प्रमोद न्यौपानेले आकांक्षा देखाएका छन् ।

सहमतिको प्रयास भैरहेकाले पनि चुनावी प्रक्रियामा ढिलाइ भएको हो ।

प्रकाशित : असार १२,२०८३          ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

मधेसमा करिब ४ लाख हेक्टर क्षेत्रफल खेतीयोग्य जग्गा रहेकोमा ४ प्रतिशतमात्र धान रोपाइँ : JCNEPALMEDIA

जनकपुरकाे रजाैलमा २४ वर्षकाे युवा गरे आत्म हत्या : JCNEPALMEDIA

धनौजी गाउँपालिकाको १५औं गाउँसभामा नीति तथा कार्यक्रम प्रस्तुत, ६० करोड ५५ लाखको बजेट अनुमान : JCNEPALMEDIA

रास्वपा महाधिवेशनमा उम्मेदवार सूची विवाद : नेताहरू नैअसन्तुष्ट, निष्पक्षतामाथि उठे प्रश्न : JCNEPALMEDIA

नगरपालिका जेसिबीमा आगो लागेपछि शहिदनगरको पूर्व मेयर बरबरिया सहितका युवाले माँगे आगलागी र करार कर्मचारीको विवरण : JCNEPALMEDIA

धनुषामा जनकपुर उपमहानगरसहित तीन स्थानीय तहले गर्न सकेन नगरसभा : JCNEPALMEDIA