साईकलले ठक्कर दिएपछि बेहोस मात्र भएका बालकलाई बोरामा प्याक गरी पोखरीमा फाले, चाँदीको वाला´काे अधारमा किशोरी पक्राउ : JCNEPALMEDIA

3 महीना पहिले

श्रावण ०७, २०८३ / जेसी नेपाल संवाददाता

महोत्तरीको सम्सी गाउँपालिका वडा नं. ५ पोखरभिन्डामा साइकलको ठक्करबाट घाइते भएका एक बालकलाई मृत ठानेर पोखरीमा फालेको आरोपमा प्रहरीले १५ वर्षीया एक किशोरीलाई पक्राउ गरेको छ ।

जिल्ला प्रहरी कार्यालय महोत्तरीका अनुसार गत जेठ २२ गते साइकलमा मल बोकेर खेततर्फ जाँदै गरेकी किशोरीले सोही स्थानका बालक मनिकेश कुमार यादवलाई ठक्कर दिएकी थिइन् । ठक्कर लागेपछि बालक अचेत अवस्थामा पुगेका थिए । प्रहरी अनुसन्धानअनुसार किशोरीले बालकको मृत्यु भइसकेको ठानेर उनलाई बोरामा राखी नजिकैको पोखरीमा फालेकी थिइन् । त्यसपछि पोखरीमा बालकको शव फेला परेपछि प्रहरीले घटनाबारे विस्तृत अनुसन्धान थालेको थियो ।

जिल्ला प्रहरी कार्यालय महोत्तरीका प्रहरी नायब उपरीक्षक (डीएसपी) पञ्चलाल गोलेका अनुसार अनुसन्धानका क्रममा प्राप्त प्रमाण र शंकाका आधारमा किशोरीलाई नियन्त्रणमा लिएपछि घटनाको वास्तविकता खुलेको हो । प्रहरीका अनुसार पोखरीमा फाल्नुअघि बालकले लगाएको चाँदीको बाला समेत किशोरीले निकालेकी थिइन् । अनुसन्धानका क्रममा उक्त चाँदीको बाला पनि किशोरीबाट बरामद गरिएको प्रहरीले जनाएको छ ।

प्रहरीले किशोरीलाई असार ५ गते घरबाटै नियन्त्रणमा लिएको थियो । महोत्तरी जिल्ला अदालतबाट पाँच दिनको म्याद थप गरी घटनाबारे थप अनुसन्धान भइरहेको जिल्ला प्रहरी कार्यालयले जनाएको छ । प्रहरीले घटनासम्बन्धी अन्य पक्षबारे पनि अनुसन्धान जारी रहेको जनाएको छ ।

प्रकाशित : श्रावण ०७, २०८३            ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

पत्रकार नियन्त्रणमा लिएपछि मध्यराति प्रहरीको स्पष्टीकरण : सही मनसायले बोलाएका हौं : JCNEPALMEDIA

मधेस सरकारमा एमालेको समर्थन गुमाएपछि मुख्यमन्त्री यादवका लागि बहुमत जुटाउनु चुनौतीपूर्ण : JCNEPALMEDIA

निर्वाचनको एक साता अघि डेमोक्र्याटिक सांसद द्वारा डोनाल्ड ट्रम्पमाथि बलात्कारको आरोप : JCNEPALMEDIA

रथी बढुवाका लागि थापाको नाम सिफारिस, प्रधानसेनापति हुने रोलक्रममा अघि : JCNEPALMEDIA

अदालतको आदेश विपरीत बढुवा सिफारिस गर्ने प्रदेश लोक सेवा आयोग अध्यक्ष गुरागाईँले दिए पदबाट राजीनामा : JCNEPALMEDIA

मधेश प्रदेशमा १६८ (३) अनुसार जसपाको सरकार बन्न सक्ने, सरोज यादव मुख्यमन्त्री बन्दा एमाले र जनमतको समर्थन रहने : JCNEPALMEDIA