सुनसरी गोलीकाण्डको नैतिक तथा राजनीतिक जिम्मेवारी गृहमन्त्री गुरुङले लिनुपर्छ : रवि किरण हमाल JCNEPALMEDIA

3 महीना पहिले

साउन ११,०८३ / जेसी नेपाल संवाददाता

सुनसरी : जेनजी आन्दोलनका नेता रवि किरण हमालले सुनसरीमा भएको गोलीकाण्डको पूर्ण नैतिक तथा राजनीतिक जिम्मेवारी गृहमन्त्री गुरुङले स्वीकार गर्दै तत्काल पदबाट राजीनामा दिनुपर्ने बताएका छन्।

पवित्र श्रावण सोमबारका अवसरमा स्नानका लागि गइरहेका युवा ओमप्रकाश मेहताको मृत्यु भएको घटनाप्रति गहिरो दुःख व्यक्त गर्दै हमालले दिवंगत आत्माप्रति हार्दिक श्रद्धाञ्जली अर्पण गरेका छन्। साथै, घाइते सबैको शीघ्र तथा पूर्ण स्वास्थ्यलाभको कामना गरेका छन्। हमालले नागरिकमाथि घातक बल प्रयोग हुनु लोकतान्त्रिक राज्यका लागि अत्यन्त गम्भीर र चिन्ताजनक विषय भएको उल्लेख गर्दै घटनाको तत्काल निष्पक्ष, स्वतन्त्र र विश्वसनीय छानबिन गर्न माग गरेका छन्।

उनका अनुसार भीड व्यवस्थापनका क्रममा सुरक्षाकर्मीले संयम, संवाद, कानुनी मापदण्ड तथा गैरघातक उपकरणहरूको प्रयोगलाई प्राथमिकता दिनुपर्ने हो। तर नागरिकमाथि प्रत्यक्ष गोली प्रहार गर्नु कुनै पनि सभ्य लोकतन्त्रमा स्वीकार्य अभ्यास हुन सक्दैन। उनले जेनजी आन्दोलनका क्रममा प्रदर्शनकारीमाथि भएको घातक बल प्रयोग र त्यसबाट भएको मानवीय क्षतिले तत्कालीन गृहमन्त्रीमाथि नैतिक तथा राजनीतिक जिम्मेवारीको प्रश्न उठेको स्मरण गराउँदै, राज्यले नागरिकप्रति अपनाउने दृष्टिकोण अझै परिवर्तन हुन नसकेको देखिएको बताएका छन्। शान्ति स्थापना गर्ने नाममा गोलीलाई पहिलो विकल्प बनाउने पुरानो र क्रूर प्रवृत्ति लोकतान्त्रिक मूल्य, मानवअधिकार तथा विधिको शासनविपरीत रहेको उनको भनाइ छ।

हमालले नागरिकलाई अन्धाधुन्ध गोली हानेर हत्या गर्ने प्रवृत्तिबाट न त शान्ति स्थापना हुन्छ, न त राज्यप्रति जनविश्वास बढ्छ भन्दै यस्तो कार्यको कडा शब्दमा निन्दा गरेका छन्। उनले सुरक्षा निकायको जिम्मेवारी नागरिकको जीवन रक्षा गर्नु भएको उल्लेख गर्दै राज्यले बल प्रयोगलाई अन्तिम विकल्पका रूपमा मात्र प्रयोग गर्नुपर्ने धारणा व्यक्त गरेका छन्। उनले यस घटनाको नैतिक तथा राजनीतिक जिम्मेवारी गृहमन्त्री गुरुङले लिनुपर्ने, पदबाट राजीनामा दिनुपर्ने तथा घटनामा संलग्न जोसुकै भए पनि कानुनी दायरामा ल्याई पीडित परिवारलाई न्याय दिलाउन सरकारसँग माग गरेका छन्।

साथै, भविष्यमा यस्ता दुःखद घटना दोहोरिन नदिन सुरक्षा संयन्त्रको कार्यशैली, भीड व्यवस्थापन प्रणाली तथा जवाफदेहितामा व्यापक सुधार आवश्यक रहेको उनले बताएका छन्।

प्रकाशित : साउन ११,२०८३        ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

पत्रकार नियन्त्रणमा लिएपछि मध्यराति प्रहरीको स्पष्टीकरण : सही मनसायले बोलाएका हौं : JCNEPALMEDIA

मधेस सरकारमा एमालेको समर्थन गुमाएपछि मुख्यमन्त्री यादवका लागि बहुमत जुटाउनु चुनौतीपूर्ण : JCNEPALMEDIA

निर्वाचनको एक साता अघि डेमोक्र्याटिक सांसद द्वारा डोनाल्ड ट्रम्पमाथि बलात्कारको आरोप : JCNEPALMEDIA

रथी बढुवाका लागि थापाको नाम सिफारिस, प्रधानसेनापति हुने रोलक्रममा अघि : JCNEPALMEDIA

अदालतको आदेश विपरीत बढुवा सिफारिस गर्ने प्रदेश लोक सेवा आयोग अध्यक्ष गुरागाईँले दिए पदबाट राजीनामा : JCNEPALMEDIA

मधेश प्रदेशमा १६८ (३) अनुसार जसपाको सरकार बन्न सक्ने, सरोज यादव मुख्यमन्त्री बन्दा एमाले र जनमतको समर्थन रहने : JCNEPALMEDIA