काठमाडौंकाे ब्वाइज होस्टलमा कुटपिट, धारिलो हतियार प्रहारबाट युवकको मृत्यु : JCNEPALMEDIA

14 घन्टा पहिले

भदौ ०६,२०८३ / जेसी नेपाल संवाददाता

काठमाडौं : काठमाडौं महानगरपालिका-१० शङ्खमुलस्थित भ्याली ब्वाइज होस्टलमा कुटपिट तथा धारिलो हतियार प्रहारबाट एक युवकको मृत्यु भएको छ । घटनामा संलग्न भएको अभियोगमा एक किशोर पक्राउ परेका छन् ।

केन्द्रीय प्रहरी समाचारकक्षका अनुसार दाङको घोराही उपमहानगरपालिका-१७ का स्थायी बासिन्दा २२ वर्षीय वसन्त कालाथोकीलाई शुक्रबार बिहान होस्टलमै १८ वर्षीय किशोर र २० वर्षीय प्रमित पटेलले कुटपिट तथा धारिलो हतियार प्रहार गरी गम्भीर घाइते बनाएका थिए । गम्भीर घाइते कालाथोकीको मीनभवनस्थित निजामती कर्मचारी अस्पतालमा उपचारका क्रममा मृत्यु भएको हो ।

घटनालगत्तै प्रहरी वृत्त नयाँ बानेश्वरबाट खटिएको टोलीले बाराको कलैया उपमहानगरपालिका-३ घर भएका १८ वर्षीय किशोरलाई पक्राउ गरेको हो । घटनामा संलग्न भएको आरोपमा अन्य पाँच जनालाई प्रहरीले नियन्त्रणमा लिएको छ भने फरार रहेका प्रमित पटेलको खोजी भइरहेको छ ।

प्रकाशित : भदौ ०६, २०८३            ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

अख्तियारका तत्कालीन एसपीको मनपर्दि, संगठित अपराधको मिसिलमा अर्थसचिवदेखि पत्रकारसम्मको मोबाइल नम्बर : JCNEPALMEDIA

जनकपुरधाममा पोखरीको डिलमा चल्यो बालेनको डोजर , पहिलो चरणमा ५० पोखरी खाली गराइँदै : JCNEPALMEDIA

गरिमा चौधरी हत्या प्रकरण : फाँसीको व्यवस्था गर्न मागसहित काठमाडौंमा प्रदर्शन : JCNEPALMEDIA

जनकपुरधामको भूतनाथ मन्दिर (स्वर्गद्वारी) मा चोरी, मध्यराती चोर रँगेहात पक्राउ : JCNEPALMEDIA

भारतकाे ८० औं स्वतन्त्रता दिवसकाे अवसरमा एक दिने विचार गाेष्ठी सम्पन्न : JCNEPALMEDIA

सिमरामा ३ वर्षीया बालिका हत्या प्रकरण : प्रहरीसँग खोज्न खटिएका व्यक्ति नै समातिए