६१ वर्षीया महिलालाई बलात्कार आरोपमा पक्राउ परेका युवक ‘जेनजी’ आन्दोलनमा फरार कैदी : JCNEPALMEDIA

18 घन्टा पहिले

भदौ ०९,२०८३ / जेसी नेपाल संवाददाता

काठमाडौं : रामेछापमा ६१ वर्षीया एकल महिलालाई जबरजस्ती करणी गरेको आरोपमा पक्राउ परेका २१ वर्षीय युवक ‘जेनजी’ आन्दोलनको क्रममा फरार कैदी भएको खुलेको छ।

जेनजी आन्दोलनको क्रममा गत वर्ष भदौ २४ गते सुनसरीको पकलीस्थित इलाका प्रहरी कार्यालयबाट फरार भएका २१ वर्षका प्रेम विसुंखेलाई प्रहरीले यही भदौ ३ गते पक्राउ गरेको थियो। उनी चोरी मुद्दाको अनुसन्धानको क्रममा प्रहरी हिरासतमा थिए।

हिरासतबाट भागेपछि उनी रामेछापमा बस्दै आएको खुलेको छ। उनले यही भदौ २ गते रामेछाप नगरपालिका–४ तिलबारी बस्ने ६१ वर्षीया एकल महिलालाई उनकै घरमा गएर जबरजस्ती करणी गरेको प्रहरीले जनाएको छ। हिरासतबाट भागेर रामेछाप पुगेपछि बिसुंखे लिखु बृहत् खानेपानी आयोजनामा मजदुरका रूपमा काम गर्दै आएका थिए।

बलात्कारपछि फरार रहेका उनलाई इलाका प्रहरी कार्यालय धोबीडाँडाबाट खटिएको टोलीले खोजतलासको क्रममा लुकिछिपी बसेको अवस्थमा रामेछाप नगरपालिका ४ तिलबारीबाट पक्राउ गरेको हो। उनी कोही नबस्ने घरमा लुकिछिपी बसेको अवस्थामा पक्राउ परेका प्रहरीले जनाएको छ।

प्रकाशित : भदौ ०९, २०८३             ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

सुनचाँदीको मूल्य घट्यो : JCNEPALMEDIA

बलात्कार घटनामा ८ बर्ष अघि ‘गलत’ मेडिकल रिपोर्ट दिने डा.बिजय सिँह र डा. रम्भा गोईतलाई ३ महिना कैदसहित २० हजार जरिवाना : JCNEPALMEDIA

प्रतिनिधिसभाको सोमबार बस्ने बैठकको सम्भावित कार्यसूची सार्वजनिक : JCNEPALMEDIA

सप्तरीमा तीन वर्षीया बालिका घर नजिकै मृत फेला : JCNEPALMEDIA

अख्तियारका तत्कालीन एसपीको मनपर्दि, संगठित अपराधको मिसिलमा अर्थसचिवदेखि पत्रकारसम्मको मोबाइल नम्बर : JCNEPALMEDIA

जनकपुरधाममा पोखरीको डिलमा चल्यो बालेनको डोजर , पहिलो चरणमा ५० पोखरी खाली गराइँदै : JCNEPALMEDIA