कतार विश्वकपकै पहिलो ह्याट्रिक गर्ने रामोस भन्छन् : सपनामा पनि सोचेको थिइनँ
4 वर्ष पहिले
२१ मंसिर, काठमाडौं । पोर्चुगलका गोन्सालो रामोस विश्वकपको अन्तिम १६ अन्तर्गत स्वीट्जरल्याण्डविरुद्धको खेलमा पहिलो रोजाईँमा परेपछि अरु जस्तै आश्चर्यमा थिए ।स्वीट्जरल्याण्डलाई ६-१ ले पराजित गर्दा उनै रामोसले ह्याट्रिक गरे । जुन उनी आफैँले कल्पना गरेभन्दा बाहिरको थियो ।विश्वकपमा उनले पहिलो पटक पहिलो रोजाईँमा खेलेका थिए । तर पोर्चुगललाई सन् २००६ पछि विश्वकपको क्वाटरफाइनलम पुर्याउने क्रमम उनले सनसनी प्रदर्शन गर्दा ह्याट्रिक गर्नुका साथै एक असिस्ट समेत गरे ।प्रशिक्षक फर्नान्डो सान्तोसले अट्याकमा क्रिस्टियानो रोनाल्डोलाई बेञ्चमा राख्दै उनको स्थानमा रामोसले खेलाउने भएपछि २१ वर्षीय रामोसले खेलअघि नै हेडलाइनमा छाइसकेका थिए । कतार विश्वकपकै ठूलो कथा बन्ने क्रमममा यी युवालाई धेरै समय लागेन ।
‘मैले मेरो सपनामा पनि म नकआउट चरणको पहिलो रोजाईँमा पर्छु भनेर सोचेको थिइँन’, रामोसले मुस्कुराउँदै भने ।खेलअघि रोनाल्डोले खेलअघि रोनाल्डो बेञ्चमा बस्ने बारे केही कुरा नभएको बताए । ‘साँच्ची भन्दा हाम्रो टिममा यस बारे कसैले केही भनेका थिएनन् । क्रिस्टियानो हाम्रो कप्तान हुन् । सधैँ जस्तै उनी हामीलाई सहयोग गर्छन् र उत्साह दिन्छन् । मलाई मात्र होइन टिममेटलाई पनि उही गर्छन् ।’ रामोसले पोर्चुगलको सिनियर टिममा खेल्न थालेको धेरै भएको छैन । उनले विश्वकपअघिको वार्मअप खेलमा पोर्चुगलले नाइजेरियालाई ४-० ले हराउँदा डेब्यु गरेका थिए ।
विश्वकपको समूह चरणमा तीन मध्ये दुई खेलमा वैकल्पिक खेलाडीको रुपमा जम्मा १० मिनेट खेलेका थिए ।
स्वीट्जरल्याण्ड विरुद्ध तीन गोल गरेपछि रामोस विश्वकपमा पहिलो रोजाईँमा खेलेको पहिलो खेलमै ह्याट्रिक गर्ने २० वर्ष यताकै पहिलो खेलाडी बने । यसअघि सन् २००२ मा जर्मनीका मिरोस्लाभ क्लोजले साउदी अरेबिया विरुद्ध यस्तै उपलब्धि हासिल गरेका थिए ।रामोसले स्वीट्जरल्याण्ड विरुद्ध खेलको १५ औं मिनेटमै पहिलो गोल गर्दै खाता खोलेका थिए । ५१औं मिनेटमा दोस्रो गोल गरेका उनले ६७ औं मिनेटमा ह्याट्रिक पूरा गरेका थिए । रामोसले गोल गर्दा स्वीट्जरल्याण्डका गोलकिपर यान सोमेर पनि नतमस्तक बनेका थिए ।रामोसले शनिबार हुने मोरक्को विरुद्धको क्वाटरफाइनलमा आफूले पहिलो रोजाईँमा खेल्नेछु भन्न अहिले हतार हुने बताए । रोलमोडलको बारेमा सोधिएको प्रश्नमा रामोसले भने, ‘क्रिस्टियानो रोनाल्डो एक हुन्, रोवर्ट लेवान्डोस्की र जाल्टन इब्राहिमोभिच पनि हुन् ।’ उनीहरुको खेल रामोसले राम्रोसँग नियालिरहेका छन् ।साभार : अनलाइनखबर
सम्बन्धित समाचार
टिकटकको सस्तो साडीको लोभमा फस्दा जनकपुरका व्यक्तिको खाताबाट २ लाख गायब, दुई युवकविरुद्ध ठगी मुद्दा : JCNEPAL MEDIA
हँसपुरको नौवाखोर प्रसाहीमा भोली नैना हस्पिटलको पाठेघर सम्बन्धि निःशुल्क स्वास्थ्य शिविर हुँदै : JCNEPAL MEDIA
धनुषा २ मा नेपाली काँग्रेसको अधिवेशनमा विवाद , अधिवेशन*नै* नगरी केन्द्रीय महाधिवेशन प्रतिनीधि, प्रसैला र गोहिबार भए फिर्ता : JCNEPAL MEDIA
आज देशका विभिन्न प्रदेशमा हल्कादेखि मध्यमसम्म वर्षा हुने : JCNEPAL MEDIA
रुससँगको सुरक्षा चिन्ता र बढ्दो महँगीबीच लात्भियामा संसदीय निर्वाचन : JCNEPAL MEDIA
यो खबर पढेर तपाईलाई कस्तो महसुस भयो ?