राम्रा चलचित्र दिन नसकेको वर्ष

मुम्बई। पछिल्लो वर्षझैँ यो वर्ष पनि व्यावसायिक हिसाबले बलिउडका लागि खासै राम्रो ठहरिएन। यो वर्ष पनि बलिउडमा चलचित्रहरूको सङ्ख्या बढाउने काम मात्र भए। सन् २०२२ को वर्षमा बलिउडका चलचित्र हिट कम फल्प धेरै भए।  वर्षभरि नै बलिउडमा चलचित्रको कथाभन्दा पनि कलाकारहरूले चलचित्रलाई चलाउने काम गरे। अहिलेका दर्शक रोनाधोना, एक्सनभन्दा पनि फर्मुलाले भरिएको चलचित्र धेरै हेर्न रुचाउने देखियो। आमिर खान, अजय देवगन, अक्षय कुमार, रणवीर सिंह, रणवीर कपुरजस्ता ठूला हस्तीहरूको यो वर्ष चलचित्र प्रदर्शनमा आए पनि बलिउडमा खासै जम्न सकेन। आमिर खानको ‘लाल सिंह चड्डा’ले बलिउडमा खासै स्थान बनाउन सकेन। त्यस्तै अक्षय कुमार अभिनीत रक्षाबन्धन, कठपुतली, राम सेतु, बच्चन पाण्डे, पृथ्वीराज चौहानजस्ता अलग–अलग चलचित्रहरू प्रदर्शनमा आए तर दर्शकले खासै रुचाएनन्। बलिउडमा उनको सधैँ एकैखाले अभिनय मात्र पस्कने खालका कलाकार भनेर धेरै आलोचना हुन थालेको छ र उहाँको लोकप्रियता पनि घट्दै छ। नाङ्गो तस्बिरको फोटो सेसन गरेको विषयलाई लिएर चर्चामा आउनुभएका कलाकार रणवीर सिंहको ‘जयेशभाइ जोरदार’को असफलताले उनलाई धेरै नै धक्का लाग्यो। ‘गङ्गुभाई काठियावाडी’ र ‘आरआरआर’ मा अजय देवगन विशेष भूमिकामा देखिनुभएको थियो। उहाँ अभिनीत ‘रन वे ३४’ फल्प भयो। ‘थैङ्क गड’ जस्तो चलचित्र अजयले किन गरे ? वर्षको अन्तिममा आएर देवगनलाई ‘दृश्यम २’ ले केही मात्रामा बचाउने काम ग¥यो। अजयका लागि यो वर्ष केही फल्प र केही हिटमा केन्द्रित रह्यो। विवाहबन्धनमा बाँधिनुका साथै पिता पनि बनेका रणवीर कपुरको यो वर्ष दुई चलचित्र ‘शमशेरा’ र ‘ब्रह्मास्त्र’ प्रदर्शनमा आए। शमशेरा सोचेभन्दा नराम्रो तरिकाले फल्प भयो भने ब्रह्मास्त्रले रणवीरलाई केही राहत दिने काम ग¥यो। एजेन्सी  

साभार : गोरखापत्र अनलाइन