रुपन्देही प्रशासनले लागू गर्‍यो टाइमकार्ड - JC NEPAL MEDIA

3 वर्ष पहिले

माघ ५,२०७९ जेसी नेपाल संवाददाता

काठमाडौं : सेवाग्राहीलाई दिइने सेवा प्रवाहलाई सहज, सरल, छिटोछरितो र झन्झटिलोरहित बनाउने उद्देश्यले जिल्ला प्रशासन कार्यालय, रुपन्देहीले बिहीबारदेखि टाइमकार्ड लागू गरेको छ । प्रशासनले बिहानी समयमा सेवा लिन आउने सेवाग्राहीलाई रातो र दिउँसोको समयमा आउनेलाई पहेँलो टाइमकार्ड उपलब्ध गराएर सेवा दिने गरी चाँजोपाँजो मिलाएको हो । प्रशासनले नयाा नागरिकता, नागरिकताको प्रतिलिपी, राष्ट्रिय परिचयपत्र र ई-पासपोर्ट वितरणमा सहजता ल्याउन टाइमकार्ड लागू गरेको प्रमुख जिल्ला अधिकारी (प्रजिअ) भरतमणि पाण्डेले जानकारी दिए । प्रमाण पुर्‍याएर आउने सेवाग्राही अब लाइनमा बसिरहनुपर्दैन, फाइल बोकेर प्रत्येक शाखा–शाखा धाइरहनु पनि पर्दैन,पाण्डेले भने, सबै सेवालाई एकद्वार प्रणालीमा ल्याउन र नागरिकलाई छिटोछरितो सेवा दिन टाइमकार्ड लागू गरेका हौं । सेवाग्राहीले रीतपूर्वक आफ्नो प्रमाणको कागजातसहित निवेदन पेस गरेपछि नागरिकता, राष्ट्रिय परिचयपत्र, ई-पासपोर्ट लिन प्रशासनमै कुरेर बस्नुपर्नेछैन । निवेदन दिएपछि टाइमकार्डमै यति समयपछि आउनू भनेर प्रशासनले समय तोकिदिनेछ । त्यसपछि तोकिएको समयमा आएर सेवाग्राहीले आफ्नो नागरिकता वा अन्य कागजात लिएर जान सक्नेछन् । फाइल पेस गरेर टाइमकार्ड पाएपछि सेवाग्राही यही बस्न पनि सक्नुहुनेछ, अन्यत्र आफ्नो काम भए त्यो काम सकेर तोकिएको समयमा आउन पनि सक्नुहुनेछ,पाण्डेले भने । यसले सेवामा सहजता ल्याउँछ नै सेवाग्राहीको समयको बचत पनि हुन्छ ।

प्रकाशित : माघ ५,२०७९ ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

सामाजिक सञ्जाल खोल्ने सरकारको निर्णय : JCNEPAL MEDIA

जेन-जीको प्रदर्शनमा अभियान्ता ‘ई.’का भाइ ईश्वतको मृत्यु : JCNEPAL MEDIA

मृत्यु हुनेको संख्या ९ पुग्यो : जेनजी प्रदर्शन JCNEPAL MEDIA

जेनी- जी’को प्रर्दशनमा मार्चपास , गीत– कविता सुनाउन पाइने, कसैले भाषण नगर्ने : काठमाडौं JCNEPAL MEDIA

जनकपुरमा प्रहरी र स्थानीय बीच झडप, गोली लागेर एकजना घाइते : JCNEPAL MEDIA

रौतहटमा दिनदहाडै छुरा प्रहार, १८ वर्षीय युवकको मृत्यु : JCNEPAL MEDIA