अवैध रुपमा गिटी बालुवा उत्खनन् गरेको आरोपमा क्रसर व्यवसायी पक्राउ: सिरहा

3 वर्ष पहिले

पुष, १३,२०८०/ जेसी नेपाल संवाददाता

सिरहा : सिरहामा अवैध रूपमा गिटी बालुवा उत्खनन गरेको आरोपमा क्रसर व्यवसायी पक्राउ परेका छन् । पक्राउ पर्नेमा कर्जन्हा नगरपालिका ७ मा सञ्चालित कमलेश्वरी कमला प्रशोधन उद्योग प्रालिका सञ्चालक जनकपुर उपमहानगरपालिका ७ का मोहम्मद खलिल राईन रहेका छन् । उनलाई सिरहा डिभिजन वन कार्यालको टोलीले नियन्त्रणमा लिएको हो ।

उनीमाथि कर्जन्हा नगरपालिका १ बल्टीयास्थित चुरे वन क्षेत्र भित्रको कमला नदी बगरबाट अवैध रूपमा गिट्टी, बालुवा उत्खनन गरी खरिद बिक्रीमा संलग्न रहेको आरोप लागेको छ । सो आरोपमा राईनलाई नियन्त्रणमा लिएको डिभिजन वन कार्यालय लहानका प्रमुख सुजितकुमार झाले जानकारी दिए ।

चुरे वन क्षेत्र पर्ने कमला नदीको बगरमा गत शनिवार अवैध रूपमा एक्सकाभेटर प्रयोग गरी ढुङ्गा, गिट्टी, बालुवा उत्खनन गरिरहेको अवस्थामा उनलाई नियन्त्रणमा लिइएको झाले बताए । सोही क्षेत्रमा अवैध उत्खनन गरी खरिद बिक्री गरेको आरोपमा राईनलाई नियन्त्रणमा लिएको डिभिजन वन कार्यालय लहानका सूचना अधिकारी राधेश्याम चौधरीले पनि जानकारी दिए ।

यो क्षेत्रको ठेक्का र वातावरण सर्वेक्षणको विषयमा कुनै सहमति तथा समन्वय नभएकाले हामीले नियन्त्रणमा लिएका हौं वन अधिकृत मिश्रले भने, स्थानीय पालिकाले ठेक्का लगाएको भए त्यसको प्रक्रिया र आवश्यकताको आधारमा कारबाही अगाडि बढ्छ ।

प्रकाशि : पुष १३, २०८० ०६:४३

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

धनुषा शहिदनगरपालिकाकाे जेसिबीमा आगो, जलेर ध्वस्त, वडाध्यक्ष र पूर्वमेयरले मेयर यादवमाथि लगाए आरोप : JCNEPALMEDIA

मलंगवामा मध्यरातमा छापा मारेपछि ७५ बोरा फर्सीको बीउ बरामद, प्रहरीमाथि ढुंगामुढा, ग्यासफायरपछि स्थिति नियन्त्रणमा : JCNEPALMEDIA

प्रहरी पोशाक खरिदमा नयाँ मोड : स्वयं खरिद प्रणाली लागू गर्ने सरकारको तयारी : JCNEPALMEDIA

एमाले पुनर्गठनका लागि लुम्बिनीमा संकलन गरिँदै सुझाव : JCNEPALMEDIA

पासपोर्ट छपाइको जिम्मा पाएको जर्मन कम्पनीका नेपाल प्रतिनिधि मनेन्द्र मल्ल पक्राउ : JCNEPALMEDIA

परराष्ट्र मन्त्री खनाल र विदेशमन्त्री वाङबीच द्विपक्षीय वार्ता : JCNEPALMEDIA