बालकुमारी घटना : निलम्बन भएका डीएसपी लम्सालका यस्ता थिए काण्डहरु #JC_NEPAL_MEDIA

3 वर्ष पहिले

पुष १५, २०८० / जेसी नेपाल मिडिया

काठमाडौं : बालकुमारीमा प्रदर्शनकारीमाथि गोली प्रहारको घटनामा जिल्ला प्रहरी परिसर, ललितपुरका डीएसपी उमेश लम्साल निलम्बनमा परेका छन् । भौतिक पूर्वाधार तथा यातायातमन्त्री प्रकाश ज्वालाका पीएसओ सई बोधराज दनुवार पनि निलम्बनमा परेका छन् । सरकारले ललितपुरका प्रमुख जिल्ला अधिकारी रुद्रप्रसाद पण्डित र जिल्ला प्रहरी परिसर, ललितपुरका प्रमुख एसएसपी शिद्धिविक्रम शाह तथा ईपीएस कोरिया शाखाका निर्देशक गुरुदत्त सुवेदीलाई जिम्मेवारीबाट हटाएको छ ।

एसएसपी शाहको कमजोर कमाण्डका कारण बालकुमारी घटना भएको थियो । सरकारले उक्त घटनामा प्रहरीको कमाण्ड गरिरहेका डीएसपी लम्सालका साथै मन्त्री प्रकाश ज्वालाका पीएसओ बोधराज दनुवारलाई निलम्बन गर्ने निर्णय गरेको हो । डीएसपी लम्सालले अवस्था नियन्त्रणमै रहँदा गोली चलाउन आदेश दिएका थिए । दुईजना युवाको ज्यान जानेगरी शुक्रबार ललितपुरको बालकुमारी क्षेत्रमा भएको घटनामा प्रहरीतर्फको कमाण्ड डीएसपी उमेश लम्सालले गरेका थिए ।

उनकै कमाण्डमा रहेको १२५ जनाको प्रहरीको धरपकडमा परी दैलेख र अछामका दुई युवाले ज्यान गुमाउनु परेको छ । डीएसपी लम्साल यसअघि महाराजगञ्जमा रहँदा कोभिडको समयमा काम गरेर घर फर्कने क्रममा त्रिवि शिक्षण अस्पताल र कान्ति अस्पतालका डाक्टरमाथि कुटपिट गरेका कारण कारबाहीमा परेका थिए । अस्पतालबाट ड्युटी सकी हातमा एप्रोन बोकेर गइरहेका चिकित्सकलाई हौसला दिनुपर्नेमा उल्टै निर्घात कुटपिट गरेर बहादुरी देखाउँदा उनी कारवाहीस्वरुप महानगरिय प्रहरी कार्यालय रानीपोखरीमा तानिएका थिए ।

डीएसपी लम्साल जुवाडे पक्राउको काण्डमा पनि आर्थिक विवादमा परेका थिए । लम्साल निकै विवादित डीएसपी हुन् । डीएसपी लम्साल एमाले निकट मानिन्छन् । एमालेका नेताहरुको आडमा लम्सालले धेरै ठाउँहरुमा उत्पात मच्चाउँदै आएका बेला बालकुमारीमा काण्ड गरेका छन् ।

प्रकाशित : पुष १५,२०८० २१:४५

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

पत्रकार नियन्त्रणमा लिएपछि मध्यराति प्रहरीको स्पष्टीकरण : सही मनसायले बोलाएका हौं : JCNEPALMEDIA

मधेस सरकारमा एमालेको समर्थन गुमाएपछि मुख्यमन्त्री यादवका लागि बहुमत जुटाउनु चुनौतीपूर्ण : JCNEPALMEDIA

निर्वाचनको एक साता अघि डेमोक्र्याटिक सांसद द्वारा डोनाल्ड ट्रम्पमाथि बलात्कारको आरोप : JCNEPALMEDIA

रथी बढुवाका लागि थापाको नाम सिफारिस, प्रधानसेनापति हुने रोलक्रममा अघि : JCNEPALMEDIA

अदालतको आदेश विपरीत बढुवा सिफारिस गर्ने प्रदेश लोक सेवा आयोग अध्यक्ष गुरागाईँले दिए पदबाट राजीनामा : JCNEPALMEDIA

मधेश प्रदेशमा १६८ (३) अनुसार जसपाको सरकार बन्न सक्ने, सरोज यादव मुख्यमन्त्री बन्दा एमाले र जनमतको समर्थन रहने : JCNEPALMEDIA