पोखराबाट ८ जना जुवाडे रंगेहात पक्राउ : कास्की

3 वर्ष पहिले

माघ २७, २०८० / जेसी नेपाल संवाददाता

मनिशा चाैलागाइ / कास्की

पोखरा : जिल्ला प्रहरी कार्यालय कास्कीले पोखराबाट ८ जना जुवाडेलाई रंगेहात पक्राउ गरेको छ । विशेष सूचनाका आधारमा इलाका प्रहरी कार्यालय डाँडाकोनाकबाट खटिएको टोलीले पोखरा महानगरपालिका वडा नं. २९ भण्डारढिकबाट बुधबार साँझ उनीहरुलाई पक्राउ गरेको हो ।

उनीहरुको साथबाट तास र ५७ हजार १ सय ९५ रुपैयाँ बरामद भएको कास्की प्रहरीका सूचना अधिकारी श्रवणकुमार विकले जानकारी दिए ।

पक्राउ पर्नेमा पोखरा २७ तालचोकका बर्ष ५६ का दल्बहादुर गुरुङ, ४० वर्षीय कुमबहादुर गुरुङ, सैनिकबस्तीकी ३३ वर्षीया शान्ता मल्ल ठकुरी, पोखरा ३१ मोहरियाका ३७ वर्षीय जीवन शाही छन् । यसैगर पोखरा २९ सैनिकबस्तीकी ३६ वर्षीया सीतादेवी गुरुङ, ५७ वर्षीय तुलबहादुर पुन, ५६ वर्षीय भूपाल गुरुङ र ४८ वर्षका दुर्गा गुरुङलाई पनि रंगेहात पक्राउ गरिएको प्रहरीले जनाएको छ ।

उनीहरुविरुद्ध जिल्ला अदालतबाट सार्वजनिक हित, स्वास्थ्य, सुरक्षा, सुविधा र नैतिकताविरुद्धको कसुरसम्बन्धी मुद्दामा १० दिनको म्याद लिएर अनुसन्धान प्रकृया अघि बढाइएको डीएसपी विकले बताए ।

प्रकाशित : माघ २७,२०८०

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

मुस्ताङमा भन्सार छलेर ल्याइएका ८ कन्टेनर प्रहरीको फन्दामा : JCNEPALMEDIA

देशभरका प्रहरी हिरासतमा सीसीटिभी क्यामेरा अनिवार्य गर्न माग गरिएको रिटमा सरकारको नाममा कारण देखाऊ आदेश : JCNEPALMEDIA

२२४ यात्रु बोकेर उडिरहेको इन्डिगो विमानको इन्जिन आकाशमै फेल, मच्चियो हंगामा : JCNEPALMEDIA

सिंहदरबारमा प्रधानमन्त्री र सभामुखबीच भेटवार्ता : JCNEPALMEDIA

कप्तानगन्ज हिंसात्मक घटनामा प्रहरीले अनुसन्धान तीव्रगतिमा गर्दै : JCNEPALMEDIA

मेडिकल व्यवसायी दुर्गा प्रसाईं पक्राउ : JCNEPALMEDIA