एमालेका सरोज यादव बने भौतिक पूर्वाधार मन्त्री, मधेस सरकारमा एमालेकाे प्रवेश

3 वर्ष पहिले

चैत्र ६,२०८० / जेसी नेपाल संवाददाता

जनकपुरधाम : मधेश सरकारमा एमालेको प्रवेश भएको छ। नेपाली कांग्रेसको मन्त्रीलाई बर्खास्त गर्दै एमाले संसदीय दलका नेता सरोज कुमार यादवले भौतिक पूर्वाधार मन्त्रालय लिँदै शपथ ग्रहण गरेका छन्। 

प्रदेश प्रमुखको कार्यालयमा प्रदेश प्रमुख सुमित्रा भण्डारीले मन्त्रीको शपथ खुवाएका थिए। एमाले, माओवादी, राष्ट्रिय स्वतन्त्र पार्टी, जनता समाजवादी पार्टीसहितको गठबन्धन बनेपछि एमालेका नेता यादव मन्त्री नियुक्त भएका हुन्। मधेश सरकारमा नेपाली कांग्रेसबाट ३ जना मन्त्री छन्।

त्यस्तै जनमत पार्टीका सांसदले सरकार छाड्दा खाली भएका २ मन्त्रालय पनि मुख्यमन्त्रीको जिम्मामा छ। स्रोतका अनुसार नेकपा एमालेले ४ वटा मन्त्रालय पाउनेछ। एमाले नेता सरोजकुमार यादव २०७९ पुस २७ मा मधेशको भौतिक पूर्वाधार मन्त्री बनेका थिए।

तर केन्द्रमा गठबन्धन फेरिएपछि एमाले सरकारबाट बाहिरिएको थियो।  एमाले संसदीय दलका उपनेता दीपेन्द्र ठाकुरले तत्काल एकजना मात्रै सरकारमा सहभागी भएको र पछि पुन: ३ जना सहभागी हुन सक्ने बताए।

कांग्रेसको मन्त्रीलाई राजीनामा दिन भने पनि नमानेपछि बर्खास्त गरिएको हो। समारोहमा मुख्यमन्त्री सरोज यादव तथा सभामुख रामचन्द्र मण्डल सहभागी रहेका थिए।

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

पत्रकार नियन्त्रणमा लिएपछि मध्यराति प्रहरीको स्पष्टीकरण : सही मनसायले बोलाएका हौं : JCNEPALMEDIA

मधेस सरकारमा एमालेको समर्थन गुमाएपछि मुख्यमन्त्री यादवका लागि बहुमत जुटाउनु चुनौतीपूर्ण : JCNEPALMEDIA

निर्वाचनको एक साता अघि डेमोक्र्याटिक सांसद द्वारा डोनाल्ड ट्रम्पमाथि बलात्कारको आरोप : JCNEPALMEDIA

रथी बढुवाका लागि थापाको नाम सिफारिस, प्रधानसेनापति हुने रोलक्रममा अघि : JCNEPALMEDIA

अदालतको आदेश विपरीत बढुवा सिफारिस गर्ने प्रदेश लोक सेवा आयोग अध्यक्ष गुरागाईँले दिए पदबाट राजीनामा : JCNEPALMEDIA

मधेश प्रदेशमा १६८ (३) अनुसार जसपाको सरकार बन्न सक्ने, सरोज यादव मुख्यमन्त्री बन्दा एमाले र जनमतको समर्थन रहने : JCNEPALMEDIA