सांग्रिला एफसी अन्तिम चरणमा : आठौ संस्करणको विराट गोल्डकप

2 वर्ष पहिले

चैत्र १८,२०८०/ जेसी नेपाल संवाददाता

विराटनगर —रोयल थिम्पु एफसी भुटानमाथि ३–२ गोलको संघर्षपूर्ण जित निकाल्दै घरेलु टोली सांग्रिला फुटबल क्लब मोरङ शनिवार आठौं विराट गोल्डकप फुटबल प्रतियोगिताको सेमिफाइनल पुगेको छ । खेलको ५० मिनेटसम्म ३ गोलको अग्रता लिएको मोरङ अन्तिम २५ मिनेट थिम्पुको दबाब झेल्दै संघर्षपूर्ण जितको हकदार बन्दा थिम्पुले शनिबार सहिद मैदानमा दर्शकको मन जित्न सफल रह्यो ।

उद्घाटन खेलमा तीन पटकको विजेता नेपाल पुलिस क्लबलाई ३–० ले पन्छाउँदै थिम्पुले अन्तिम आठको यात्रा गरेको थियो । मोरङले फाइनल प्रवेशका लागि एपीएफ र १४ औ संस्करणको इटहरी गोल्डकप विजेता चर्च ब्वाइजबीचको विजेतासँग सोमबार प्रतिस्पर्धा गर्नेछ । चर्च ब्वाइजले शनिबार आर्मीलाई १–० गोलले हराएर इटहरी गोल्डकप जितेको छ ।

मिनेटमा आशिष चापागाईंले गोल गर्दै टिमलाई अग्रता दिलाए । विवेक पौडेलको कर्नर भलीमा आशिषले हेड गोल गर्दै थिम्पुका गोलरक्षक डेन्डुप नामग्याललाई जिल्याए । मोरङका दोस्रो गोल ३३ औ मिनेटमा हेडिङमै सम्भव भयो । विवेक पौडेलले बक्समा उपलब्ध गराएको क्रसमा सुशील राईले हेडिङबाट आकर्षक गोल गरे । मोरङका खेलको ५० औ मिनेटमा विदेशी खेलाडी स्याङबाट तेस्रो गोल भयो । थिम्पुका गोलरक्षक डेन्डुप अगाडि बढेको मौका छोप्दै स्याङले ३० यार्डवाट बायाँ बार च्यापेर गरेको प्रहारले पोस्टको जाली छोएको थियो ।

२०३१ सालमा महेन्द्र गोल्डकप विजेता थिम्पुका लागि सोरब दोर्जेले ६५ र ७४ औं मिनेटमा दुई गोल फर्काए पनि टिमको हारर् टार्न सकेनन् । केल्जाङ जिग्मेले प्रहार गरेको बललाई सांग्रिलाका गोलरक्षक विशाल सुनारले पन्च गरे । रिबाउन्डमा पाएको बललाई वान टचमै दोर्जेले गोल गरेर खेल ३–१ को स्थितिमा ल्याएका थिए । ७४ औं मिनेटमा जिङ्ग्माले उपलब्ध गराएको क्रस सदुपयोग गर्दै दोर्जेले गोल गरी टिमलाई खेलमा फर्काउने प्रयास गरेका थिए ।

अन्तिम २५ मिनेट थिम्पुले आक्रामक खेल पस्कँदै आधा दर्जन बढी गरेको पोस्ट आक्रमणलाई सांग्रिलाका गोलरक्षक विशालले विफल पारेर टिमलाई अन्तिम चारको यात्रा गराए । प्लेयर अफ द म्याच महेन्द्र कार्की भए । उनले११ हजार रुपैयाँ पाए । आइतवार एनआरटी र सिक्किम ड्रेगानबी खेल हुनेछ ।

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

मधेसमा करिब ४ लाख हेक्टर क्षेत्रफल खेतीयोग्य जग्गा रहेकोमा ४ प्रतिशतमात्र धान रोपाइँ : JCNEPALMEDIA

जनकपुरकाे रजाैलमा २४ वर्षकाे युवा गरे आत्म हत्या : JCNEPALMEDIA

रास्वपा उपसभापतिमा स्वर्णिम वाग्ले निर्विरोध, अरु पदाधिकारीको लागि चुनाव हुने : JCNEPALMEDIA

धनौजी गाउँपालिकाको १५औं गाउँसभामा नीति तथा कार्यक्रम प्रस्तुत, ६० करोड ५५ लाखको बजेट अनुमान : JCNEPALMEDIA

रास्वपा महाधिवेशनमा उम्मेदवार सूची विवाद : नेताहरू नैअसन्तुष्ट, निष्पक्षतामाथि उठे प्रश्न : JCNEPALMEDIA

नगरपालिका जेसिबीमा आगो लागेपछि शहिदनगरको पूर्व मेयर बरबरिया सहितका युवाले माँगे आगलागी र करार कर्मचारीको विवरण : JCNEPALMEDIA