युवतीलाई गोंगबुको होटलमा बोलाएर कुटपिट गर्दा मृत्यु

7 महीना पहिले

बैशाख २४,२०८० / जेसी नेपाल संवाददाता

शिवकुमार काठमाडौं : गोंगबुको मित्रनगरमा रहेको स्टार जोन होटलमा शुक्रबार राति एक जोडी युवा–युवती बास बस्न पुगे । नाता सम्बन्धको कागजपत्र नहेरी होटलले उनीहरुलाई तेस्रो तल्लाको ९ नम्बर कोठा उपलब्ध गरायो ।

काठमाडौंका अधिकांश गेष्ट हाउसले श्रीमान-श्रीमती रहेको कागज प्रमाण नहेरी जथाभावी कोठा उपलब्ध गराउँदा अपराधका घटना हुने गरेका छन् । शुक्रबार राति पनि त्यस्तै भयो । होटलका स्टाफले दिएको जानकारी अनुसार उनीहरु यसअघि पनि पटक–पटक यसैगरी स्टार जोन होटलमा रात बिताउन आउने गरेका थिए । शुक्रबार राति उनीहरुबीच होटलमा अचानक विवाद भयो । त्यही क्रममा युवकबाट कुटपिट भएको कल्पनाको शरीरका विभिन्न ठाउँमा लागेको चोट पटकबाट अनुमान गर्न सकिन्छ ।

यही क्रममा मध्यरातमा युवतीको ज्यान गयो । युवतीको मृत्युको घटना रहस्यमय देखिएको छ । महाराजगञ्ज प्रहरी वृत्तमा परेको जाहेरीअनुसार विवाहित युवतीलाई होटलमा बोलाएर कोठामा राख्ने व्यक्ति काठमाडौंको चन्द्रागिरि नगरपालिका वडा नम्बर १५ घर ठेगाना बताउने अनित कार्की हुन् । अञ्दाजी ३२ वर्षका कार्कीलाई महाराजगञ्ज प्रहरीले हिरासतमा लिएको छ । मृतक युवती कल्पना भण्डारी सुवेदी हुन् । मोरङको लेटाङ नगरपालिका वडा नम्बर–२ घर भएकी ३१ वर्षीया कल्पनाका श्रीमान् वैदेशिक रोजगारीको सिलसिलामा साउदीमा थिए ।

उनी सानी छोरीलाई लिएर काठमाडौंको बाँसबारीमा बस्दै आएकी थिइन् । शरीरभरि चोटैचोट प्रहरीका अनुसार मृतक युवतीको दायाँ घुँडामा डेढ इञ्च लम्बाई र आधा ईञ्च चौडाईको घाउ देखिएको छ । त्यस्तै, वायाँ घुँडामा पनि आधा इञ्चको चोट देखिएको छ । युवतीको दायाँ स्तनको भागमा पनि आधा इञ्चको घाउ देखिएको छ । त्योभन्दा एक इञ्च तल केराउको दाना आधारको कालो–रातो दागसमेत देखिएको घटनास्थल मुचुल्कामा उल्लेख छ । युवतीको छातीको दायाँ भागमा एक इञ्च कोतरिएको घाऊ देखिएको छ । वायाँ हातको पाखुरामा समेत रातो कालो दाग देखिएको छ । निधारको दायाँ भागको आँखिभौं छेउमा कालो–नीलो डाम देखिएको छ ।

दायाँपट्टि चिउँडोमा रातो घाऊ चोटपटक देखिएको छ । दायाँ हातको नाडीमुनि कोतरिएको घाऊ छ । पोष्टमार्टमका लागि त्रिवि शिक्षण अस्पतालमा राखिएको मृत युवतीको शरीरमा दाहिने पातोभन्दा माथि पछाडिको भागमा पनि घाउ छ । सर्ट र हाफपाइन्ट लगाएको अवस्थामा भेटिएको थियो । राति नै युवतीले आत्महत्या गरेको भन्दै अनित कार्कीले पहिले होटलवालालाई खबर गरे । त्यसपछि प्रहरी तत्कालै घटनास्थलमा पुगेको थियो युवतीको शरीरमा नीलडाम र घाउचोट देखिए पनि मृत्यु के कारणले भएको हो भन्ने वास्तविक कारणचाहिँ पोष्टमार्टम रिपोर्ट आएपछि खुल्ने प्रहरीको भनाइ छ । कुटपिट लगत्तै मृत्यु आफन्तले दिएको जानकारी अनुसार राति नै युवतीले आत्महत्या गरेको भन्दै अनित कार्कीले पहिले होटलवालालाई खबर गरेका थिए । त्यसपछि प्रहरी तत्कालै घटनास्थलमा पुगेको थियो । कोठाभित्रै विवाद भएपछि युवती कम्मरमा तन्ना बेरेर बाथरुममा छिरेको र लामो समयसम्म बोलाउँदा पनि नबोलेपछि होटल सञ्चालकलाई फोन गरेर बोलाएको कार्कीले प्रहरीलाई बताएका छन् ।

श्रीमान वैदेशिक रोजगारीमा गएको अवस्थामा महिलाहरुलाई आफ्नो प्रभावमा पार्ने, यौन शोषण गर्ने र सम्पत्तिमा समेत ठगी गर्ने अपराधका घटना समाजमा बढ्दै गएका छन् होटल सञ्चालक आएपछि बाथरुमको ढोका बलपूर्वक घँचेटी फोडेर हेर्दा घाँटीमा तन्नाको पासो लगाई भुइँमा लडेको अवस्थामा भेटिएको र कपडा झुण्ड्याउने हुकसमेत भुईमा झरेको पाइएको युवकले प्रहरीलाई प्रारम्भिक वयान दिएका छन् । होटलवाला र युवकले प्रहरीलाई फोन गरेको र तत्काल प्रहरीसमेतले त्रिवि शिक्षण अस्पतालमा पुर्‍याउँदा डाक्टरले राति ११ः३५ बजे कल्पनालाई मृत घोषित गरेको युवक र होटलवालाको भनाइ उधृत गर्दै आफन्त बताउँछन् ।

जाहेरी ‘आत्महत्या दुरुत्साहन’को एउटै कोठामा सँगै बसेको जोडी । कुटपिटबाट घाउ चोटपटक पनि शरीरभरि देखिएको अवस्था । साथमा रहेका युवक पक्राऊ पनि परेको अवस्था छ । तैपनि प्रहरीले यो घटनामा किटानी जाहेरी भने लिएन । मृतक कल्पनाकी सासूका तर्फबाट दर्ता गरिएको जाहेरीमा ‘ज्यानसम्बन्धी कसूर’ मा नभई ‘आत्महत्या गर्न दुरुत्साहन दिन नहुने कसूर’ मा जाहेरी दिएको उल्लेख छ । प्रहरीका अनुसार सुरुमा ज्यान मुद्दामा किटानी जाहेरी नलिइए पनि पछि अनुसन्धानबाट कैफियत देखिएमा पुनः किटानी जाहेरी लिएर अनुसन्धान अघि बढ्न सक्छ मृतकका आफन्तलाई प्रहरीले दिन लगाएको जाहेरीमा भनिएको छ, ‘निज प्रतिवादीले मेरी बुहारीलाई कर्तव्य गरी मारेको हुन सक्छ भन्ने कुरामा आशंका भएता पनि हाल आत्महत्या गर्न दुरुत्साहन दिन नहुने सम्बन्धी कसूरमा कानून बमोजिम मुद्दा चलाई निज बुहारीको मृत शरीरको पोष्टमार्टम गराई प्रमाणमा लगाई कारवाही गरी अन्तिम दाहसंस्कार गर्न निमित्त म जाहेरवाला सासूआमाकाे जिल्ला प्रहरीले आत्महत्या दुरुत्साहनमा मात्र मुद्दा चलाउन लागेको भए पनि कल्पनालाई प्रतिवादी वा अरु कसैले कर्तव्य गरी मारेको अनुसन्धानबाट खुल्न आएमा छुट्टै किटानी जाहेरी लिने ढोका भने प्रहरीले खुल्लै राखेको छ । प्रहरी स्रोतका अनुसार सुरुमा ज्यान मुद्दामा किटानी जाहेरी नलिइए पनि पछि अनुसन्धानबाट कैफियत देखिएमा पुनः किटानी जाहेरी लिएर अनुसन्धान अघि बढ्न सक्छ । बढ्दो महिला हिंसा श्रीमान वैदेशिक रोजगारीमा गएको अवस्थामा महिलाहरुलाई आफ्नो प्रभावमा पार्ने, यौन शोषण गर्ने र सम्पत्तिमा समेत ठगी गर्ने अपराधका घटना समाजमा बढ्दै गएका छन् । कल्पनालाई गेष्ट हाउसमा बोलाएर कुटपिट गरिएको घटना पनि यहीखालको जघन्य सामाजिक अपराधसँग सम्बन्धित छ ।

महिलामाथि हुने यस्ता हिंसाका घटनामा प्रहरी सम्वेदनशील र पीडितमैत्री बन्न जरुरी देखिन्छ । कल्पनाका आफन्त भन्छन्, ‘श्रीमान पनि साथमा थिएनन् । गाउँबाट काठमाडौंमा आएर सानी छोरीका साथमा बसेकी महिलालाई होटलमा बोलाएर यसरी प्राण लिइयो, दोषीमाथि कडाभन्दा कडा सजायँ होस् ।’ छोरीको रहस्यमय मृत्युको खबर सुनेर मोरङ केराबारी–९ देवीझोडाबाट काठमाडौं आइपुगेका कल्पनाका पिताले भने,‘ हामीलाई न्याय चाहियो ।

प्रकाशित : बैशाख २४,२०८० ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !

सम्बन्धित समाचार

प्रहरी निरीक्षक बिनुकुमारी शाही फरार -JCNEPAL_MEDIA

प्रदूषणका कारण आधा लकडाउनमा दिल्ली सहित एनसीआर -JCNEPAL_MEDIA

बैंकको नगद लाभांश प्रस्ताव पारित : सानिमा JCNEPAL_MEDIA

बागमती प्रदेशका मुख्यमन्त्री द्वारा ट्राफिक प्रहरीलाई स्मार्ट फोन हस्तान्तरण

असल नियतले अधिकार प्रयोग गर्दा अख्तियारसँग डराउनु नपर्ने : प्रमुख आयुक्त राई -JCNEPAL_MEDIA

जनकपुरधाममा रामजानकी विवाह पञ्चमीकाे तयारी JCNEPAL_MEDIA